പാരിസ് ഫാഷൻ വീക്കിൽ ബോൾഡ് ലുക്കിൽ ജാൻവി കപൂർ; മിയു മിയു ബ്രാൻഡിന്റെ പുത്തൻ ട്രെൻഡ് ഇങ്ങനെ!

പ്രശസ്തമായ പാരിസ് ഫാഷൻ വീക്ക് ഷോയിൽ ലക്ഷ്വറി ബ്രാൻഡായ ‘മിയു മിയു’വിനെ പ്രതിനിധീകരിച്ച് സ്റ്റണ്ണിങ് ലുക്കിൽ എത്തിയ ബോളിവുഡ് നടി ജാൻവി കപൂർ ഫാഷൻ ലോകത്തിന്റെ ശ്രദ്ധ പിടിച്ചുപറ്റിയിരിക്കുകയാണ്.

പ്രമുഖ ഇറ്റാലിയൻ ഫാഷൻ ബ്രാൻഡിന്റെ ഏറ്റവും പുതിയ കളക്ഷനുകൾ പ്രദർശിപ്പിച്ച ചടങ്ങിൽ തികച്ചും ആകർഷകവും സ്റ്റൈലിഷുമായ വേഷത്തിലായിരുന്നു ജാൻവിയുടെ എൻട്രി. ഒട്ടേറെ ആരാധകരുള്ള ബ്രാൻഡിന്റെ ബോൾഡ് ഡിസൈനിലുള്ള ഔട്ട്ഫിറ്റും അതിന് പക്കാ മാച്ചായ ഹെയർസ്റ്റൈലും സെക്കൻഡ് സ്കിൻ എന്ന് തോന്നിപ്പിക്കുന്ന മേക്കപ്പും ജാൻവിയുടെ ലുക്കിൽ തിളങ്ങിനിന്നു.

പാരിസിലെ റൺവേയിൽ ആഗോള സെലിബ്രിറ്റികൾക്കൊപ്പം ജാൻവിയുടെ ഫോട്ടോകളും വിഡിയോകളും വളരെ വേഗത്തിൽ സമൂഹമാധ്യമങ്ങളിൽ വൈറലായി. വലിയ തരംഗമാണ് ഇവ സൃഷ്ടിച്ചത്. ഇന്ത്യൻ സിനിമാലോകത്തെ മികച്ച ഫാഷൻ ഐക്കണുകളിലൊന്നായി ജാൻവിയുടെ ഈ സ്റ്റൈലിങ് മാറിയെന്ന് ഫാഷൻ പ്രേമികൾ അഭിപ്രായപ്പെടുന്നു.