കേരളത്തിന്റെ വിദ്യാഭ്യാസ രംഗത്ത് വിപ്ലവകരമായ മാറ്റത്തിനൊരുങ്ങി വുഡ്ലം എജുക്കേഷൻ! യുഎഇ ആസ്ഥാനമായി പ്രവർത്തിക്കുന്ന പ്രമുഖ വിദ്യാഭ്യാസ ശൃംഖല, അന്താരാഷ്ട്ര നിലവാരമുള്ള പ്രീമിയം സ്കൂളുകളുമായി ഇനി കേരളത്തിലേക്ക്. ആർട്ടിഫിഷ്യൽ ഇന്റലിജൻസ് അധിഷ്ഠിത പഠനരീതി, വിദ്യാർത്ഥികേന്ദ്രീകൃത പാഠ്യപദ്ധതി, ആധുനിക സാങ്കേതികവിദ്യ—ഇതെല്ലാം ഒത്തുചേരുന്ന വുഡ്ലം, നാളെയുടെ വിദ്യാഭ്യാസ മാതൃകയാണ് കേരളത്തിന് സമ്മാനിക്കുന്നത്. ഓരോ വിദ്യാർത്ഥിയുടെയും കഴിവുകൾ തിരിച്ചറിഞ്ഞുള്ള വ്യക്തിഗത പഠനാനുഭവമാണ് ഇവിടുത്തെ പ്രത്യേകത.
ഇതിന്റെ ആദ്യപടിയായി കോഴിക്കോട് നാദാപുരത്ത് 'വുഡ്ലം പാർക്ക് സ്കൂൾ' പ്രവർത്തനമാരംഭിക്കും. 2027-28 അധ്യയന വർഷത്തിൽ സി.ബി.എസ്.ഇ. പാഠ്യപദ്ധതിയിൽ കെ.ജി. 1 മുതൽ എട്ടാം ക്ലാസ് വരെ ഇവിടെ പ്രവേശനം നേടാം. കേരളത്തിലുടനീളം ശൃംഖല വ്യാപിപ്പിക്കാനും, ഇന്ത്യയിലുടനീളം ഈ മാതൃക എത്തിക്കാനുമാണ് വുഡ്ലം ലക്ഷ്യമിടുന്നത്. ഇതിന്റെ ഭാഗമായി നൂറിലധികം തൊഴിലവസരങ്ങൾ സൃഷ്ടിക്കപ്പെടും. നിയമന നടപടികൾ ഈ സെപ്റ്റംബറിൽ ആരംഭിക്കുകയാണ്.
അന്താരാഷ്ട്ര നിലവാരമുള്ള വിദ്യാഭ്യാസം ഇനി എല്ലാവർക്കും പ്രാപ്യമാക്കാം. വുഡ്ലം എജുക്കേഷനിലൂടെ, കേരളത്തിലെ സ്കൂൾ വിദ്യാഭ്യാസത്തിന് പുതിയ മാനദണ്ഡങ്ങൾ കുറിക്കപ്പെടുന്നു.