നീറ്റ് റദ്ദാക്കി; 22 ലക്ഷം വിദ്യാർഥികൾ ആശങ്കയിൽ, അറിയേണ്ടതെല്ലാം

നീറ്റ്-യുജി 2026 റദ്ദാക്കിയതോടെ, പുതിയ പരീക്ഷാ തീയതി, അഡ്മിറ്റ് കാർഡ്, പരീക്ഷാ കേന്ദ്രങ്ങൾ, കൗൺസലിങ് – ഇനി  നടപടിക്രമങ്ങള്‍ എങ്ങനെ?  22 ലക്ഷത്തിലധികം മെഡിക്കൽ വിദ്യാർഥികളും അവരുടെ കുടുംബങ്ങളുടെയും ആശങ്ക ഒഴിയുമോ?.

ദേശീയ പരീക്ഷാ ഏജൻസി    മാർഗനിർദേശങ്ങൾ പുറപ്പെടുവിച്ചിട്ടില്ലെങ്കിലും, ലഭ്യമായ വിവരങ്ങൾ ഇങ്ങനെ

• എന്തുകൊണ്ട് നീറ്റ്-യുജി 2026 റദ്ദാക്കി? 

പരീക്ഷയുമായി ബന്ധപ്പെട്ട ക്രമക്കേടുകളെക്കുറിച്ചുള്ള ആരോപണങ്ങളെത്തുടർന്നാണ് മേയ് 3-ന് നടന്ന പരീക്ഷ റദ്ദാക്കിയതായി എൻടിഎ അറിയിച്ചത്. 

•  വീണ്ടും പരീക്ഷ എപ്പോൾ നടത്തും?

പുതിയ തീയതികൾ ഇതുവരെ പ്രഖ്യാപിച്ചിട്ടില്ല. വരും ദിവസങ്ങളിൽ തീയതി അറിയിക്കുമെന്ന് എന്‍ടിഎ

•  വിദ്യാർഥികൾ വീണ്ടും റജിസ്റ്റർ ചെയ്യേണ്ടതുണ്ടോ?

വേണ്ട. 2026 മേയിലെ പരീക്ഷയുടെ റജിസ്ട്രേഷൻ വിവരങ്ങളും അപേക്ഷയും വീണ്ടും നടത്തുന്ന പരീക്ഷയ്ക്കും പരിഗണിക്കും

• പരീക്ഷാ ഫീസ് വീണ്ടും അടയ്ക്കേണ്ടതുണ്ടോ?

അധിക പരീക്ഷാ ഫീസ് ഈടാക്കില്ല. വിദ്യാർഥികൾ ഇതിനകം അടച്ച ഫീസ് തിരികെ നല്‍കുമെന്നാണ് എന്‍ടിഎ നിലപാട്.

• പുതിയ അഡ്മിറ്റ് കാർഡുകൾ നൽകുമോ?

അതെ. പുതുക്കിയ അഡ്മിറ്റ് കാർഡുകളുടെ ഷെഡ്യൂൾ അറിയിക്കും

• വിദ്യാർഥികൾക്ക് പഴയ പരീക്ഷാ കേന്ദ്രങ്ങൾ തന്നെ ലഭിക്കുമോ?

2026 മേയിലെ പരീക്ഷയ്ക്ക് തിരഞ്ഞെടുത്ത കേന്ദ്രങ്ങൾ തന്നെയായിരിക്കും വീണ്ടും നടത്തുന്ന പരീക്ഷയ്ക്കും പരിഗണിക്കുകയെന്ന് എൻടിഎ അറിയിച്ചു. എന്നാൽ, അലോട്ട്‌മെന്റിൽ  മാറ്റങ്ങളുണ്ടാകുമോ എന്ന് വ്യക്തമാക്കിയിട്ടില്ല.

• പുറത്തുള്ള ഏജൻസികളെ ഉപയോഗിച്ചാണോ വീണ്ടും പരീക്ഷ നടത്തുക?

അല്ലെന്നും സ്വന്തം സംവിധാനം ഉപയോഗിച്ച് ഉപയോഗിച്ച് പരീക്ഷ വീണ്ടും നടത്തുമെന്നാണ് എൻടിഎ നിലപാട്

•  സർക്കാർ നടപടി എന്ത്?

സമഗ്രമായ അന്വേഷണത്തിനായി വിഷയം സിബിഐക്ക് വിടാൻ സർക്കാർ തീരുമാനിച്ചു.  

• വിദ്യാർഥികൾ ഇപ്പോൾ എന്തു ചെയ്യണം?

പുനഃപരീക്ഷാ തീയതി, പുതിയ അഡ്മിറ്റ് കാർഡുകൾ, പരീക്ഷയുമായി ബന്ധപ്പെട്ട നിർദേശങ്ങൾ എന്നിവ സംബന്ധിച്ച വിവരങ്ങൾക്കായി എൻടിഎയുടെ ഔദ്യോഗിക ചാനലുകളെ മാത്രം ആശ്രയിക്കാൻ വിദ്യാർഥികളോടും രക്ഷിതാക്കളോടും നിർദേശിച്ചിട്ടുണ്ട്. സമൂഹമാധ്യമങ്ങളിൽ പ്രചരിക്കുന്ന സ്ഥിരീകരിക്കാത്ത റിപ്പോർട്ടുകൾ അവഗണിക്കണമെന്നും ഏജൻസി ആവശ്യപ്പെട്ടു.

• നീറ്റ് മുമ്പും വിവാദങ്ങളിൽപ്പെട്ടിട്ടുണ്ടോ?

അതെ. ചോദ്യക്കടലാസ് ചോർച്ച, പരീക്ഷയിലെ ക്രമക്കേടുകൾ തുടങ്ങിയ ആരോപണങ്ങളെത്തുടർന്ന് ദേശീയ യോഗ്യതാ-പ്രവേശന പരീക്ഷ (നീറ്റ്) സമീപ വർഷങ്ങളിൽ ഏറെ വിവാദങ്ങൾക്കിടയാക്കിയിട്ടുണ്ട്.