ക്രിസ്മസ് വരവ് അറിയിച്ച് കൊച്ചി ക്രൗൺ പ്ലാസ ഹോട്ടലിൽ കേക്കുകളുടെ നിർമാണ ഒരുക്കങ്ങൾ തുടങ്ങി.12,000 കേക്കുകളുടെ മിശ്രിതമാണ് തയ്യാറാക്കിയിരിക്കുന്നത്.
മുന്തിരിയും ഈന്തപഴവും തുടങ്ങിയ ഡ്രൈ ഫ്രൂട്ട്സുകളാണ് റെഡ് വയനിൽ ഇങ്ങനെ കുഴഞ്ഞു മറിയുന്നത്.ഒപ്പം സുഗന്ധദ്രവ്യങ്ങളും.
ഈ മിശ്രിതം പരുവപ്പെടാൻ രണ്ട് മാസം പ്രത്യേകം പാത്രങ്ങളിൽ സൂക്ഷിക്കും. ഡിസംബർ ആദ്യ വാരത്തോടെ 4000 കിലോ വരുന്ന ഈ മിശ്രിതം 12000 ത്തോളം കേക്കുകളായി മാറും.
ക്രിസ്മസ് സന്തോഷത്തിന്‍റെ പ്രതീകമായ കേക്ക് മിക്സിങ്ങിന് നിരവധി പേരാണ് ക്രൗൺ പ്ലാസയിൽ ഒത്തു കൂടിയത്. നടി നിഖില വിമലായിരുന്നു ചടങ്ങിന്‍റെ ഉദ്ഘാടനം നിർവഹിച്ചത്.