കോളജ് വിദ്യാര്‍ഥികളെ നിങ്ങള്‍ക്കായി..; ക്യാംമ്പസുകളുടെ ഹൃദയത്തുടിപ്പുകൾ അറിയാന്‍ 'പ്രൊവൈബ്'

കോളജ് വിദ്യാർഥികൾക്ക് വേണ്ടി മാത്രം ഒരു കിടിലൻ മൊബൈൽ ആപ്പ്. ക്യാംമ്പസുകളുടെ ഹൃദയത്തുടിപ്പുകൾ അറിയാനും കഥയും കലാസൃഷ്ടികളും പങ്കുവയ്ക്കാനും കഴിയുന്ന ആപ്പ്. മലപ്പുറം വണ്ടൂർ സ്വദേശി റാഫിദ് റഷാദ് ആണ് ഈ ആശയത്തിന് പിന്നിൽ.

ക്യാമ്പസ് ജീവിതത്തിലെ രസകരമായ അനുഭവങ്ങൾ നിങ്ങൾക്ക് റീലാക്കിയോ വ്ളോഗ് ആയോ പോസ്‌റ്റ് ചെയ്യാം.. സൗഹൃദങ്ങൾ പങ്കുവയ്ക്കാം. അതിന് വേണ്ടി ഒരു ആപ്പ് .. പ്രോ വൈബ് ആപ്പ്.

കോളജ് പഠനം പാതിവഴിയിൽ ഉപേക്ഷിച്ചപ്പോളും ഈ ഒരു ആശയം റാഫിദ് റഷാദിന്‍റെ മനസിൽ നിന്ന് മാഞ്ഞില്ല. ഒരു ആപ്പ് തയാറാക്കാനുള്ള സാങ്കേതിക പ്രാവീണ്യം ഉണ്ടായിരുന്നില്ല. എന്നാൽ കോഡിങ്ങ് ലാംഗ്വേജുകൾ ഉപയോഗിച്ചും എ.ഐ ടൂളുകളുടെ സഹായത്തോടെയും അഞ്ച് വർഷമെടുത്ത് സ്വന്തമായി ഈ ആപ്പ് നിർമ്മിച്ചു. കേരളത്തിലെ ക്യാംപസുകൾക്ക്, കോളജ് വിദ്യാർഥികൾക്ക് ഒത്തുകൂടാനുള്ള ഒരു ഇടമായി പ്രോ വൈബ് ആപ്പ് മാറുമെന്നാണ് റാഫിദിന്‍റെ പ്രതീക്ഷ.