കഴിഞ്ഞ ദിവസമാണ് തേൾ ഫ്രൈ ഉണ്ടാക്കി പ്രേക്ഷകരെ ഫുഡ് വ്ളോഗർ ഫിറോസ് ചുട്ടിപ്പാറ ഞെട്ടിച്ചത്. ഇന്ത്യയിൽ നിയമവിധേയമല്ലാത്തതിനാൽ ചൈനയിലെത്തിയാണ് ഫിറോസ് തേൾ ഫ്രൈ തയ്യാറാക്കിയത്. ആയിരത്തിലധികം തേളുകളെയാണ് ഫ്രൈ ചെയ്തത്. ചെറിയ കുപ്പികളിൽ ജീവനുള്ള തേളുകളെയാണ് വിഡിയോയുടെ തുടക്കത്തിൽ കാണിക്കുന്നത്. ആദ്യം ഇവയെ വെളിച്ചെണ്ണയിൽ വറുത്തെടുക്കുകയാണ് ചെയ്യുന്നത്. പിന്നീട് ഇഞ്ചി, വെളുത്തുള്ളി, ഉണക്കമുളക്, ചൈനയിലെ പുല്ലും വറുത്ത് ചേർക്കും. ചൈനയിലെ പ്രത്യേക മസാല ചേർത്താണ് തേൾ ഫ്രൈ തയ്യാറാക്കിയത്.
ഇപ്പോഴിതാ ഒരു പോത്തിനെ മുഴുവനായി ഓവനിൽ കേറ്റി ചുട്ടെടുക്കുകയാണ് ഫിറോസ്. 250 കിലോ പോത്തിനെയാണ് പ്രത്യേകം തയാറാക്കിയ ഓവനിലിട്ട് ഫിറോസും കൂട്ടരും ഫ്രൈ ചെയ്ത് എടുക്കുന്നത്. വലിയ ജെസിബി ഉപയോഗിച്ചാണ് 250 കിലോ പോത്തിനെ ചുടാനുള്ള ഓവന് എത്തിച്ചത്. നാലര മണിക്കൂര് ഓവനില് കിടന്ന പോത്തിനെ തുറന്ന് നോക്കുമ്പോള് വെന്ത നിലയില് കാണാം.
ഒരു രക്ഷയില്ലാത്ത രുചിയാണെന്നും നന്നായി വെന്തുവെന്നും പോത്ത് കഴിച്ച് ഫിറോസ് പറയുന്നുണ്ട്. എന്നാല് വിഡിയോ കണ്ടാല് ദഹിപ്പിക്കാനായി മനുഷ്യനെ വയ്ക്കുന്നതുപോലെയുണ്ടെന്നും നിലവാരമില്ലാത്ത വീഡിയോ ആണെന്നും, അറപ്പ് തോന്നുന്നുമെന്നാണ് കമന്റുകള്.