താമരയുടെ ഭംഗി ആവോളം നുകരാം; ഫോട്ടോ ഷൂട്ടുകാരുടെ പ്രിയ ഇടമായി നൂറനാട് പാറ്റൂർ താമരപ്പാടം

വെള്ളം കയറ്റിയ പാടശേഖരത്തെ പൂത്തുലഞ്ഞ താമരക്കിടയിലെ ബണ്ട് റോഡിലൂടെ നടക്കാം, തോണിയിലേറി താമരയുടെ ഭംഗി ആവോളം നുകരാം. നൂറനാട് പാറ്റൂർ താമരപ്പാടം ഇപ്പോൾ ഫോട്ടോ ഷൂട്ടുകാരുടെ പ്രിയ ഇടമാണ്.ഒരു ഭാഗത്ത് ഇടതൂർന്ന മരങ്ങൾ. മറ്റൊരു ഭാഗത്ത് ആകാശം നീളെ പരന്നുകിടക്കുന്ന പാടമാണ്. ഇതിനിടയിൽ വിടർന്ന താമരപ്പൂക്കൾ. 

ആലപ്പുഴയുടെയും പത്തനംതിട്ടയുടെയും അതിർത്തി പങ്കിടുന്ന നൂറനാട്ടെ കരിങ്ങാലി പാടശേഖരത്തിലാണ് കാഴ്ച. പള്ളിമുക്കം മഹാ ഭദ്രകാളി ദേവി ക്ഷേത്രത്തിൻ്റെ നടയ്ക്കുമുന്നിൽ. കഴിഞ്ഞ രണ്ടു വർഷമായാണ് താമരകൾ ഇത്രയധികം പൂത്തുലഞ്ഞതെന്ന് നാട്ടുകാർ പറഞ്ഞു. അടുത്തമാസം പൂക്കൾ കൊഴിഞ്ഞേക്കാമെന്നാണ് നാട്ടുകാർ പറയുന്നത്.