അർജന്റീന ഫുട്ബോൾ ടീമും ഇതിഹാസ താരം മെസിയും കേരളത്തിൽ വരുമോ എന്നതിൽ അവ്യക്തത തുടരുന്നു. മെസി കേരളത്തിലേക്ക് വരില്ലെന്ന് ഇപ്പോള് പറയാന് കഴിയില്ലെന്ന് കായിക മന്ത്രി വി.അബ്ദുറഹിമാന്. മെസി വരില്ലെന്ന വാര്ത്ത സ്പോണ്സര്മാര് അറിയിച്ചിട്ടില്ല. സ്പോണ്സറായ റിപ്പോര്ട്ടര് ബ്രോഡ്കാസ്റ്റിങ് കമ്പനി ഉത്തരവാദിത്തം കാണിക്കുമെന്ന് പ്രതീക്ഷിക്കുന്നുവെന്നും മന്ത്രി പറഞ്ഞു. അർജന്റീന ടീം കേരളത്തിലേക്കുള്ള യാത്ര റദ്ദാക്കുമെന്ന റിപ്പോർട്ടുകളുടെ അടിസ്ഥാനത്തിലാണ് മന്ത്രിയുടെ പ്രതികരണം.