കണ്ണൂരിൽ വൈദ്യുതി മന്ത്രിയുടെ പരിപാടിക്കിടെ വൈദ്യുതി തടസ്സപ്പെട്ട സംഭവത്തിൽ സബ് എൻജിനീയറെ സസ്പെൻഡ് ചെയ്ത നടപടിക്കെതിരെ പ്രതിഷേധവുമായി കെഎസ്ഇബി ജീവനക്കാർ
കണ്ണൂരിൽ വൈദ്യുതി മന്ത്രിയുടെ പരിപാടിക്കിടെ വൈദ്യുതി തടസ്സപ്പെട്ട സംഭവത്തിൽ സബ് എൻജിനീയറെ സസ്പെൻഡ് ചെയ്ത നടപടിക്കെതിരെ പ്രതിഷേധവുമായി കെഎസ്ഇബി ജീവനക്കാർ. സസ്പെൻഷൻ നടപടി പിൻവലിക്കണമെന്ന് കെഎസ്ഇബി വർക്കേഴ്സ് അസോസിയേഷൻ ആവശ്യപ്പെട്ടു.
സുരക്ഷിതമായി അറ്റകുറ്റപ്പണികൾ നടത്താനാണ് ഉദ്യോഗസ്ഥൻ ശ്രമിച്ചതെന്നും മന്ത്രിയുടെ പരിപാടിയെക്കുറിച്ച് ബന്ധപ്പെട്ട ഓഫീസിൽ മുൻകൂട്ടി അറിയിപ്പ് ലഭിച്ചിരുന്നില്ലെന്നും അസോസിയേഷൻ വ്യക്തമാക്കി. വസ്തുതകൾ പരിശോധിക്കാതെ ഉദ്യോഗസ്ഥനെ ബലിയാടാക്കുകയായിരുന്നുവെന്നും സംഘടന ആരോപിച്ചു.
അതേസമയം, സബ് എൻജിനീയർക്കെതിരായ നടപടി സസ്പെൻഷനല്ലെന്നും അന്വേഷണവിധേയമായ നടപടിയാണെന്നും വൈദ്യുതി മന്ത്രി സണ്ണി ജോസഫ് വിശദീകരിച്ചു. സംഭവത്തിൽ എംഎൽഎ പരാതി നൽകിയിരുന്നുവെന്നും കാര്യങ്ങൾ പരിശോധിച്ച ശേഷം ഉദ്യോഗസ്ഥർ ഉചിതമായ തീരുമാനമെടുക്കുമെന്നും മന്ത്രി വ്യക്തമാക്കി.
ENGLISH SUMMARY:
KSEB employees have protested against action taken against a sub-engineer following a power outage during Electricity Minister Sunny Joseph's event in Kannur. The KSEB Workers' Association claims the employee was carrying out maintenance work safely and was not informed about the minister's programme in advance. The association has demanded that the action be withdrawn. However, the minister clarified that it was an inquiry-related measure and not a suspension.