'നിന്നെയല്ല, നിന്‍റെ അച്ഛനെയാണ് നോക്കുന്നത്'; 'അച്ഛന്‍ എന്തൊക്കെ കണ്ടതാണ്'; ഇ.ഡിക്കെതിരെ ആഞ്ഞടിച്ച് പിണറായി വിജയന്‍

എക്സാലോജിക്–സിഎംആർഎൽ ഇടപാടുമായി ബന്ധപ്പെട്ട വിവാദങ്ങളിലും എൻഫോഴ്സ്മെന്റ് ഡയറക്ടറേറ്റിന്റെ അന്വേഷണത്തിലും രൂക്ഷ വിമർശനവുമായി പ്രതിപക്ഷ നേതാവ് പിണറായി വിജയൻ .'നിന്നെയല്ല, നിന്‍റെ അച്ഛനെയാണ് നോക്കുന്നതെന്ന' എന്ന നിലപാടാണ് എൻഫോഴ്സ്മെന്റ് ഡയറക്ടറേറ്റിന്റേതെന്ന് പിണറായി വിജയൻ ആരോപിച്ചു. 'അച്ഛനെന്തെല്ലാം കണ്ടതാണെടോ ആദ്യമായിട്ട് കാണുന്നതാണോ ഇതൊക്കെ'.  നിയമപ്രകാരം നൽകിയ സേവനങ്ങൾക്ക് കൃത്യമായ പ്രതിഫലമാണ് എക്സാലോജിക് സ്വീകരിച്ചതെന്നും അതിന് ബാധകമായ നികുതികളെല്ലാം സർക്കാരിലേക്ക് അടച്ചിട്ടുണ്ടെന്നും അദ്ദേഹം പറഞ്ഞു.  ആലപ്പുഴയില്‍ സിപിഎം വിപുലീകൃത ജില്ലാസമിതി യോഗം ഉദ്ഘാടനം ചെയ്ത് പിണറായി പറഞ്ഞു.. Also Read: 'നീയെന്‍റെ ജീവിതം നശിപ്പിച്ചു'; വടകര MDMA കേസ് പ്രതി കീർത്തനയെ കുത്തി പങ്കാളി; ഗുരുതരം

സിഎംആർഎല്ലിന് മാത്രമല്ല, പ്രമുഖ ചാരിറ്റി സ്ഥാപനത്തിന്‍റെ സ്കൂളുകൾ ഉൾപ്പെടെ നിരവധി സ്ഥാപനങ്ങൾക്ക് എക്സാലോജിക് സേവനം നൽകിയിട്ടുണ്ടെന്നും പിണറായി വ്യക്തമാക്കി. വിവാഹത്തിന് വർഷങ്ങൾക്ക് മുൻപ് നടന്ന കരാറിന്‍റെ  അടിസ്ഥാനത്തിലാണ് പണം വിദേശത്തേക്ക് കടത്തിയെന്ന തരത്തിലുള്ള ആരോപണങ്ങൾ ഉന്നയിക്കുന്നതെന്നും അദ്ദേഹം ആരോപിച്ചു.

തന്നെയും മകളെയും കേന്ദ്രീകരിച്ച് മുന്നണിയെ തകർക്കാനുള്ള ശ്രമമാണ് ഇഡിയും ഭരണപക്ഷവും ബിജെപിയും നടത്തുന്നതെന്നും പിണറായി വിജയൻ പറഞ്ഞു. എക്സാലോജിക് ഇടപാടുമായി ബന്ധപ്പെട്ട അന്വേഷണവും വിവാദങ്ങളും രാഷ്ട്രീയ ലക്ഷ്യത്തോടെയുള്ളതാണെന്ന നിലപാടും അദ്ദേഹം ആവർത്തിച്ചു.