അമ്പമ്പോ, വമ്പന് ഓഫര്! ലീഡ് പിടിച്ചാല് ബൂത്ത് ഭാരവാഹിക്ക് 15 ദിവസം വിദേശത്ത് ഉല്ലാസയാത്ര
- Kerala
- Published on Mar 25, 2026, 10:05 AM IST
- Updated on Mar 25, 2026, 11:36 AM IST
തവനൂരിലെ കോണ്ഗ്രസ് സ്ഥാനാര്ഥി ജയിച്ചാല് ബൂത്ത് ഭാരവാഹികള്ക്ക് ബംപറടിക്കും. വി.എസ്.ജോയിക്ക് ലീഡ് നല്കുന്ന ബൂത്ത് ഭാരവാഹികള്ക്ക് വമ്പന് സമ്മാനം പ്രഖ്യാപിച്ച് മുസ്ലീം ലീഗ് നേതാവ് സി.പി. ബാവ ഹാജി. യുഡിഎഫ് സ്ഥാനാര്ഥിനെ മുന്നിലെത്തിക്കുന്ന ബൂത്ത് ഭാരവാഹികള്ക്ക് 15 ദിവസത്തെ വിദേശയാത്രയാണ് സമ്മാനം. തവനൂരിലെ യുഡിഎഫ് തിരഞ്ഞെടുപ്പ് കണ്വെന്ഷനിലാണ് ബാവ ഹാജിയുടെ പ്രഖ്യാപനം.
ചലഞ്ച് ഏറ്റെടുത്ത് വിജയിക്കുന്നവര്ക്ക് ഗള്ഫ് രാജ്യങ്ങളില് പര്യടനത്തിനുള്ള അവസരമൊരുക്കുമെന്ന് ബാവ ഹാജി പറഞ്ഞു. തവനൂരില് മുസ്ലിം ലീഗ് മല്സരിച്ചിരുന്നെങ്കില് സ്ഥാനാര്ഥിയാകുമായിരുന്ന ആളാണ് സി.പി.ബാവ ഹാജി. എല്ഡിഎഫ് സ്വതന്ത്രന് കെ.ടി.ജലീലും മലപ്പുറം ഡിസിസി പ്രസിഡന്റ് വി.എസ്.ജോയിയും തമ്മില് തീപാറുന്ന പോരാട്ടമാണ് ഇക്കുറി തവനൂരില്.
നിലമ്പൂര് മണ്ഡലം രൂപീകരിച്ചശേഷം നടന്ന മൂന്നുതിരഞ്ഞെടുപ്പുകളിലും കെ.ടി.ജലീല് ആണ് വിജയിച്ചിട്ടുള്ളത്. കഴിഞ്ഞ തവണ ഫിറോസ് കുന്നുംപറമ്പിലിനെയാണ് ജലീലിനെതിരെ യുഡിഎഫ് രംഗത്തിറക്കിയത്. ജലീലിന്റെ ഭൂരിപക്ഷം 2564 വോട്ടായി കുറയ്ക്കാന് ഫിറോസിന് കഴിയുകയും ചെയ്തു. ഇത്തവണ കാര്യമായ ഭരണവിരുദ്ധ വികാരമുണ്ടെന്ന വിലയിരുത്തലില് കോണ്ഗ്രസ് തവനൂരില് മല്സരിക്കുമ്പോള് വിജയം തന്നെയാണ് ലക്ഷ്യം. തദ്ദേശ തിരഞ്ഞെടുപ്പില് തവനൂര് നിയമസഭാമണ്ഡലത്തില്പ്പെട്ട ഏഴ് പഞ്ചായത്തുകളിലും യുഡിഎഫ് ആണ് ഭരണം പിടിച്ചത്. മണ്ഡലത്തിലെ ആകെ ലീഡ് പതിനായിരത്തിലേറെ. എന്നാല് ജലീലിന്റെ പ്രതിച്ഛായയും മണ്ഡലത്തിലെ ബന്ധങ്ങളും എല്ഡിഎഫിന് കരുത്താകുന്നു.
ENGLISH SUMMARY:
