തിരഞ്ഞെടുപ്പ് തോല്വിക്ക് കാരണം ഭരണവിരുദ്ധ വികാരമെന്ന് സിപിഐ സംസ്ഥാന കൗണ്സില് റിപ്പോര്ട്ട്. റിപ്പോര്ട്ടിന്റെ പകര്പ്പ് മനോരമ ന്യൂസിന്. ഭരണവിരുദ്ധവികാരത്തിനൊപ്പം ന്യൂനപക്ഷവിരുദ്ധ പ്രസ്താവനകളും വിനയായി. ശബരിമല വിവാദവും പരാജയത്തിന് കാരണമെന്നും സിപിഐ കൗണ്സില് റിപ്പോര്ട്ട്.
കഴിഞ്ഞ ദിവസം ചേര്ന്ന സിപിഐ സംസ്ഥാന കൗണ്സിലില് സിപിഎമ്മിനെതിരെ രൂക്ഷവിമര്ശനമാണ് ഉയര്ന്നത്. സർക്കാരിലും മുന്നണിയിലും സിപിഎമ്മിനു ഏകാധിപത്യമാണ്. സർക്കാര് തീരുമാനങ്ങളെല്ലാം മുഖ്യമന്ത്രി തനിച്ചെടുക്കുന്നു. ജില്ല മുതലുള്ള മുന്നണിയോഗങ്ങളിൽ ചർച്ചയില്ല. ഇടത് നയങ്ങളില് നിന്ന് വ്യതിചലിക്കുന്നത് പ്രശ്നമാകുന്നു. മുഖ്യമന്ത്രിയെ തിരുത്താൻ പാർട്ടിയിലും മുന്നണിയിലും ആരുമില്ല. തീരുമാനങ്ങൾ അടിച്ചേൽപ്പിക്കുന്നെന്നും സംസ്ഥാന കൗണ്സിലില് ജില്ലാ സെക്രട്ടറിമാര് വിമര്ശിച്ചു