കണ്‍മുന്നിലൂടെ ഒഴുകിപ്പോയ മനുഷ്യര്‍; നാടുകാണാന്‍ പോയവര്‍ നടുക്കുന്ന കാഴ്ചകള്‍ പേറി മടങ്ങി

പ്രളയത്തെ തുടര്‍ന്ന് നേപ്പാളില്‍ കുടുങ്ങിയ മലയാളികള്‍ സുരക്ഷിതമായി മടങ്ങിയെത്തി തുടങ്ങി. നേപ്പാളിൽ കുടുങ്ങിയ 36 അംഗ മലയാളി സംഘം ഇന്ന് പുലർച്ചെ   കൊച്ചിയിൽ തിരിച്ചെത്തി.  കൺമുന്നിലൂടെ മനുഷ്യർ ഒഴുകി പോകുന്ന കാഴ്ച കണ്ട  ഞെട്ടലിലാണ് പലരും.

മഹാ പ്രളയം കൺമുന്നിൽ , രക്ഷപ്പെട്ടതിലൂടെ രണ്ടാം ജന്മം. നാട് കാണാൻ പോയവർ , മൃതദേഹങ്ങൾ കണ്ടാണ് മടങ്ങിയത്. ഇന്ന് പുലർച്ചെ 2.15 ഓടെ മുംബൈയിൽ നിന്നാണ് 36 അംഗ സംഘം  കൊച്ചിയിലെത്തിയത്. കാസർകോട് നിന്ന് നേപ്പാളിലേക്ക് പോയവരും  നാട്ടിൽ തിരിച്ചെത്തി. കുമ്പള മുൻ എസ് ഐ പ്രദീപ്‌ കുമാർ അടക്കം ഉള്ള  അഞ്ചംഗ സംഘമാണ് കാഞ്ഞങ്ങാട് റെയിൽവേ സ്റ്റേഷനിൽ എത്തിയത്. കൈലാസ യാത്ര പോയ 19 അംഗ സംഘം കാണ്ഠമണ്ഡുവിലെത്തിയിട്ടുണ്ട്. 44 അംഗങ്ങളുള്ള മറ്റൊരു സംഘം നാളെ കോഴിക്കോട് മടങ്ങി എത്തും.