കൊച്ചി കടവന്ത്ര സൗത്ത് ജനതാ റോഡില് വിദ്യാര്ഥികള് ഏറ്റുമുട്ടി. തേവര സേക്രട്ട് ഹാര്ട്ട് കോളജിലെയും ലോ കോളജിലെയും വിദ്യാര്ഥികള് തമ്മിലായിരുന്നു ഏറ്റുമുട്ടല്. എസ്എച്ച് കോളജില് വച്ചുണ്ടായ തര്ക്കത്തിന് പിന്നാലെയാണ് റോഡില് ഇരുകൂട്ടരും തമ്മില് തല്ലിയത്.
തേവര എസ്എച്ച് കോളജിൽ നടന്ന ഒരു പരിപാടിക്കിടെ ഇരു കോളജിലെയും വിദ്യാർഥികൾ തമ്മിൽ തർക്കമുണ്ടായിരുന്നു. പിന്നാലെ വൈകുന്നേരത്തോടെ കടവന്ത്ര സൗത്ത് ജനതാ റോഡിലെ ഒരു കഫെറ്റീരിയക്ക് മുന്നിൽ വെച്ച് ഇവർ വീണ്ടും കണ്ടുമുട്ടുകയും തുടർച്ചയായി റോഡിൽ പരസ്പരം ഏറ്റുമുട്ടുകയുമായിരുന്നു. വലിയ തോതിലുള്ള സംഘർഷമാണ് റോഡിൽ അരങ്ങേറിയത്.
സംഭവത്തില് ഇതുവരെ ആരും ഔദ്യോഗികമായി പരാതി നൽകിയിട്ടില്ലെങ്കിലും പ്രചരിക്കുന്ന ദൃശ്യങ്ങളുടെ അടിസ്ഥാനത്തിൽ പൊലീസ് സ്വമേധയാ അന്വേഷണം ആരംഭിച്ചിട്ടുണ്ട്. വിദ്യാർഥികളെയും മർദനമേറ്റവരെയും പൊലീസ് സ്റ്റേഷനിലേക്ക് വിളിപ്പിച്ചിട്ടുണ്ട്. ഉടന് നിയമനടപടികളിലേക്ക് കടക്കുമെന്നും പൊലീസ് വ്യക്തമാക്കി