ലോകകപ്പ് ഫുട്ബോളിലെ കലാശപ്പോരാട്ടത്തില് സ്പെയിന് കപ്പുയര്ത്തിയപ്പോള് അര്ജന്റീന ആരാധകര് നിരാശരായെങ്കിലും കെ.എസ്.ഇ.ബിക്ക് ആശ്വാസം. ഫുട്ബോള് മല്സര ദിവസങ്ങളില് 92 ദശലക്ഷം യൂണിറ്റ് വരെ ഉയര്ന്ന വൈദ്യുതി ഉപഭോഗം നിലവില് 84 ദശലക്ഷം വരെയായി ചുരുങ്ങി. കടുത്ത വൈദ്യുതി പ്രതിസന്ധി നേരിടുന്ന സാഹചര്യത്തില് കാല്പ്പന്ത് കളിയുടെ ആവേശം നീങ്ങിയത് പവര്കട്ട് ഒഴിവാക്കാനുള്ള വഴിതുറക്കും.
ഫുട്ബോള് ആവേശവും ആരവങ്ങളും ഒഴിഞ്ഞു. പിന്നാലെ കെ.എസ്.ഇ.ബിക്കും ആശ്വാസം. ലോകകപ്പ് ഫുട്ബോള് മല്സരങ്ങള് നടക്കുന്നതിനിടെ സംസ്ഥാനത്ത് രാത്രിയില് വൈദ്യുതി ഉപഭോഗം റെക്കോഡ് ഭേദിച്ചു. അര്ജന്റീന ഇംഗ്ലണ്ട് സെമിഫൈനല് മല്സരം നടന്ന രാത്രിയിലായിരുന്നു ഉപഭോഗത്തിന്റെ തോത് മൂന്നക്കത്തിനോട് അടുത്തത് .92 ദശലക്ഷം യൂണിറ്റെന്ന ഏറ്റവും ഉയര്ന്ന കണക്ക്. എന്നാല് അര്ജന്റീന സ്പെയിന് കലാശപ്പോരാട്ട ദിവസം രാത്രി വേണ്ടിവന്ന വൈദ്യുതി എണ്പത് ദശലക്ഷത്തില് താഴെയാണ്.
അന്തരീക്ഷത്തിലെ താപനില കുറഞ്ഞു. ചില ജില്ലകളില് മഴയുണ്ടായിരുന്നു. പലരും വീടുകളില് ഇരുന്ന് മല്സരം കാണുന്നതിന് പകരം കൂട്ടായ്മയുടെ ഭാഗമായി മല്സരം കണ്ടത് വഴി ടെലിവിഷനും വൈദ്യുതി വിളക്കുകളും മാത്രമല്ല എ.സിയും ഫാനും ഉള്പ്പെടെ ഉപയോഗിച്ചത് കുറഞ്ഞു. കൂടുതലാളുകള് കലാശപ്പോരാട്ടം തല്സമയം കണ്ടെങ്കിലും കൂട്ടത്തോടെ ഇരുന്ന് മല്സരം ആസ്വദിച്ചത് കെ.എസ്.ഇ.ബിക്കാണ് സഹായമായത്.
കരുതല് ശേഖരമായി വൈദ്യുതി കരാറെടുത്തിരുന്നെങ്കിലും പൂര്ണമായി ഉപയോഗിക്കേണ്ടി വന്നില്ല. എല്നിനോ ഭീതി ഒഴിയുന്നതും ചിലയിടങ്ങളില് ഒറ്റപ്പെട്ട മഴ ലഭിക്കുന്നതും ഡാമുകളിലെ ജലനിരപ്പുയരുന്നതും കെ.എസ്.ഇ.ബിക്ക് ആശ്വാസമാണ്. മുന്നറിയിപ്പുണ്ടെങ്കിലും ഉപഭോക്താക്കള് രാത്രിയില് വിശറിയുടെ സഹായം തേടാതിരിക്കാന് വഴി തേടുകയാണെന്ന് കെ.എസ്.ഇ.ബി. മഴ കനക്കുമെന്ന് മുന്നറിയിപ്പുള്ളതിനാല് നിയന്ത്രണം ദിവസേനയുള്ള അറിയിപ്പ് മാത്രമായി ചുരുങ്ങിയേക്കും.
World Cup football's conclusion has brought relief to KSEB as electricity consumption has significantly decreased from its peak.:
