ഇടുക്കി പൂപ്പാറയിൽ പന്നിയാർ പുഴ കയ്യേറി നിർമ്മിച്ച 88 കെട്ടിടങ്ങൾ പൊളിക്കാൻ തുടങ്ങി. ഹൈക്കോടതി ഉത്തരവിനെ തുടർന്നാണ് ജില്ലാ ഭരണകൂടത്തിന്റെ നടപടി പന്നിയാർ പുഴയുടെ ഇരുകരകളിലുമായി 56 പേരുടെ ഉടമസ്ഥതയിൽ 88 കെട്ടിടങ്ങളാണ് അനധികൃതമായി നിർമ്മിച്ചത്. 2023 ൽ ഈ കെട്ടിടങ്ങൾ പൊളിച്ച് നീക്കണമെന്ന് ഹൈക്കോടതി ഉത്തരവിട്ടു. ഒഴിപ്പിക്കൽ നടപടികൾ നേരെത്തെ പൂർത്തിയാക്കിയെങ്കിലും 29 കുടുംബങ്ങൾ ഒഴിയാൻ തയാറായിരുന്നില്ല. ഇവരെ അനുനയിപ്പിച്ച ശേഷമാണ് നടപടി തുടങ്ങിയത്. രണ്ട് ദേവാലയങ്ങളും 29 വീടുകളും ഉൾപ്പെടെയാണ് പൊളിക്കുന്നത് .
അർഹരായ 12 പേർക്ക് പുനരാധിവാസം ഉറപ്പാക്കും.പ്രതിഷേധമുണ്ടായാൽ തടയാൻ മൂന്നാർ ഡിവൈഎസ്പിയുടെ നേതൃത്വത്തിൽ 500 പൊലീസുകാരെ വിന്യസിച്ചിരുന്നു.കയ്യേറ്റത്തിന് പ്രാദേശിക ഭരണകൂടത്തിന്റെ സഹായം ലഭ്യമായിട്ടുണ്ടോ എന്ന് പരിശോധിച്ച് വീഴ്ച കണ്ടെത്തിയാൽ നടപടിയെടുക്കും.