ഇന്നലെ മറിഞ്ഞ ലോറിക്ക് ഇന്ന് തീപിടിച്ചു; പൂർണ്ണമായും കത്തിനശിച്ചു

തൃശൂർ ചേലക്കോട് ഇന്നലെ നിയന്ത്രണം വിട്ട് മറിഞ്ഞ ലോറിക്ക് ഇന്ന് രാവിലെ തീപിടിച്ചു. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം. അപകടസമയത്ത് ലോറിക്കുള്ളിൽ ആരും ഇല്ലാതിരുന്നതിനാൽ വലിയൊരു ദുരന്തം ഒഴിവായി.

മരം കയറ്റി വരികയായിരുന്ന ലോറി ഇന്നലെയാണ് ചേലക്കോട് വെച്ച് നിയന്ത്രണം വിട്ട് മറിഞ്ഞത്. ഇന്നലെ മറിഞ്ഞ സമയത്ത് തീപിടുത്തം ഉണ്ടായിരുന്നില്ല. എന്നാൽ, ഇന്ന് രാത്രി 8 മണിയോടെ ലോറിക്ക് തീപിടിക്കുകയായിരുന്നു. മറിഞ്ഞു കിടന്ന ലോറി അവിടെനിന്നും മാറ്റാനുള്ള നടപടികൾ പുരോഗമിക്കുന്നതിനിടെയാണ് അപ്രതീക്ഷിതമായി തീ പടർന്നത്. നിമിഷങ്ങൾക്കകം ലോറി പൂർണ്ണമായും കത്തിനശിച്ചു.

ലോറി മറിഞ്ഞതിനെത്തുടർന്ന് ഇന്നലെ അഞ്ചുപേർക്ക് പരുക്കേറ്റിരുന്നു. പരുക്കേറ്റ 2 പേര്‍ നിലവിൽ മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുകയാണ്.