ബലാല്സംഗക്കേസിലെ രാഹുല് മാങ്കൂട്ടത്തിലിന്റെ അറസ്റ്റ് തടഞ്ഞത് ഈ മാസം 21 വരെ നീട്ടി ഹൈക്കോടതി. രാഹുല് സമര്പ്പിച്ച മുന്കൂര് ജാമ്യാപേക്ഷയിലാണ് നടപടി. മുന്കൂര് ജാമ്യാപേക്ഷയെ എതിര്ത്ത അതിജീവിതയെ ഹൈക്കോടതി കകക്ഷി ചേര്ത്തു. രാഹുലിന് മുന്കൂര് ജാമ്യം നല്കരുതെന്ന് ആവശ്യപ്പെട്ട് അതിജീവിത മറുപടി സത്യവാങ്മൂലം നല്കും. മറുപടി സത്യവാങ്മൂലം നല്കാന് ഹൈക്കോടതി രണ്ടാഴ്ചത്തെ സമയം അനുവദിച്ചു.
രാഹുലിനെതിരായ ആദ്യ കേസിലെ മുന്കൂര് ജാമ്യാപേക്ഷ നേരത്തെ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയിരുന്നു. തുടര്ന്നാണ് മുന്കൂര് ജാമ്യം തേടി രാഹുല് ഹൈക്കോടതിയെ സമീപിച്ചത്. തന്നെ രാഹുല് ബലാത്സംഗം ചെയ്യുകയും നിർബന്ധിച്ചു ഗർഭഛിദ്രം നടത്തുകയും ചെയ്തെന്നാണ് യുവതിയുടെ പരാതി.