നാലുദിവസത്തെ കേരള സന്ദര്‍ശനത്തിനായി രാഷ്ട്രപതി ഇന്നെത്തും; ശബരിമല ദര്‍ശനം നാളെ

രാഷ്ട്രപതി ദ്രൗപദി മുർമുവിന്റെ ശബരിമല ദർശനം നാളെ. രാഷ്ട്രപതി ഇന്ന് വൈകിട്ട് ​ തിരുവനന്തപുരത്തെത്തി രാജ്ഭവനിൽ തങ്ങും. ​നാളെ രാവിലെ 9.25 ന് തിരുവനന്തപുരം വിമാനത്താവളത്തിൽ നിന്ന് ഹെലികോപ്റ്ററിൽ നിലയ്ക്കലേക്ക് പുറപ്പെടും. അവിടെനിന്ന് ​11.00 ന് റോഡ് മാർഗം പമ്പയിലെത്തും. ​11.50 ന് പമ്പയിൽ നിന്ന് ദേവസ്വം ബോർഡിന്റെ 'ഗൂർഖ' എമർജൻസി വാഹനത്തിൽ സന്നിധാനത്തെത്തും.

​11.50 മുതൽ 12.20 വരെയാണ് ദർശനം. വൈകിട്ട് 4.20ന് ഹെലികോപ്റ്ററിൽ തിരുവനന്തപുരത്തേക്ക് മടങ്ങും. ​രാഷ്ട്രപതിയുടെ സന്ദർശനത്തോട് അനുബന്ധിച്ച് സുരക്ഷാ ക്രമീകരണങ്ങൾ ശക്തമാക്കിയിട്ടുണ്ട്. തീർത്ഥാടകർക്കും മാധ്യമപ്രവർത്തകർക്കും അടക്കം ഇന്നും നാളെയും സന്നിധാനത്തും പമ്പയിലും നിയന്ത്രണമുണ്ട്. രാഷ്ട്രപതിക്കായി പമ്പയിൽ പ്രത്യേക സ്നാനഘട്ടം തയ്യാറാക്കിയിട്ടുണ്ട്.