കളിപ്പാട്ടത്തിൽ ചവിട്ടി അച്ഛന്‍ വീണു; കയ്യിലുണ്ടായിരുന്ന 4 വയസ്സുകാരന് തെറിച്ചുവീണു ദാരുണാന്ത്യം

തിരുവനന്തപുരം പാറശ്ശാല പരശുവക്കലില്‍ നാലു വയസ്സുകാരനു ദാരുണാന്ത്യം. പനയറക്കല്‍ സ്വദേശികളായ രജിന്‍ - ധന്യ ദമ്പതികളുടെ മകനായ ഇമാനാണ് മരിച്ചത്. ഇമാനുമായി പിതാവ് നഴ്സറിയിൽ പോകാനിറങ്ങുമ്പോഴായിരുന്നു സംഭവം. കുട്ടിയെ ഒക്കത്തിരുത്തി പുറത്തേക്കിറങ്ങിയ പിതാവ് കളിപ്പാട്ടത്തിൽ ചവിട്ടി താഴേക്ക് വീണു. ഈ സമയത്ത് ഒക്കത്തുനിന്നും കുട്ടി തെറിച്ചുവീഴുകയായിരുന്നു. 

താഴെ വീണു തലയിടിച്ച് ഗുരുതരമായി പരുക്കേറ്റ ഇമാനെ ഉടന്‍ തന്നെ എസ്എടി ആശുപത്രിയില്‍ പ്രവേശിപ്പിക്കുകയും അടിയന്തിര ശസ്ത്രക്രിയക്ക് വിധേയമാക്കുകയും ചെയ്തെങ്കിലും വൈകിട്ടോടെ മരിക്കുകയായിരുന്നു.