Image Credit: billu_sanda_7011
സുഖകരമായ യാത്ര മാത്രമല്ല ആനന്ദിപ്പിക്കുന്ന പലതുമുണ്ട് ഡല്‍ഹി മെട്രോയില്‍. ഡാൻസ് റീലുകൾ മുതൽ കണ്ടന്റ് ക്രിയേറ്റേഴ്സിന്റെ വിവാദ വിഡിയോകളില്‍ വരെ വരെ മെട്രോ വാര്‍ത്തകേന്ദ്രവുമായിട്ടുണ്ട് . മെട്രോ യാത്രക്കിടെ ഒരു കൂട്ടം സ്ത്രീകള്‍ ഭക്തി ഗാനം ആലപിക്കുന്ന വിഡിയോയാണ് ഇപ്പോള്‍ വൈറല്‍.
മെട്രോ കോച്ചിന്‍റെ പലഭാഗങ്ങളിലിരുന്നാണ് ഗായകസംഘത്തിന്‍റെ ഗാനാലാപനം . ചിലര്‍ തറയിലിരുന്ന വാദ്യോപകരണങ്ങള്‍ വായിക്കുന്നതും കാണാം. പാട്ടുകാരുടെ ആവേശം പക്ഷേ കേള്‍വിക്കാരില്‍ പലര്‍ക്കുമില്ലെന്നതും വിഡിയോയില്‍ വ്യക്തം. പലരും അനവസരത്തിലെ പാട്ടില്‍ അസ്വസ്തത പ്രകടിപ്പിക്കുന്നുമുണ്ട് . ഒടുവില്‍ സുരക്ഷാ ഉദ്യോഗസ്ഥര്‍ ഇടപെട്ടതോടെ ഗാനാലാപനം അവസാനിപ്പിച്ച് ഗായകസംഘാംഗങ്ങളായ സ്ത്രീകള്‍ ക്ഷമാപണം നടത്തി.
മെട്രോയില്‍ യാത്രക്കാര്‍ പാലിക്കേണ്ട ചില കര്‍ശന നിയമങ്ങളുണ്ട്. തറയിലിരിക്കുക, നൃത്തം ചെയ്യുക, പാട്ടു പാടുക തുടങ്ങിയ കാര്യങ്ങളെല്ലാം അവിടെ നിരോധിച്ചതാണ്. ഈ വീഡിയോയ്ക്ക് ശേഷം മെട്രോ സുരക്ഷിതമായ ഒരു പൊതുഗതാഗത ശൃംഖലയാണെന്ന് യാത്രക്കാരെ വീണ്ടും ഓർമ്മിപ്പിക്കുന്നുണ്ട്. സമൂഹ മാധ്യമങ്ങളില്‍ വൈറലാണ് ഇപ്പോള്‍ വിഡിയോ കുറഞ്ഞ സമയം കൊണ്ടുതന്നെ 2 ദശലക്ഷത്തിലധിംകം കാഴ്‍ച്ചക്കാരെയും 87,000 ത്തിലധികം ലൈക്കുകളും വീഡിയോ നേടി.
എന്നാല്‍ സമ്മിശ്ര കമന്റുകളാണ് വീഡിയോയ്ക്കുള്ളത് . ദൈവത്തിനോടുള്ള ഭക്തി നല്ലതാണെന്നും അതിനാല്‍ ഇതിന് ഒരു കുഴപ്പവുമില്ലെന്നും ഒരാള്‍ പറഞ്ഞപ്പോള്‍ ഇത്തരം കാര്യങ്ങള്‍ക്കുള്ള വേദിയല്ല മെട്രോ എന്നായിരുന്നു മറ്റൊരാളുടെ കമന്‍റ്
ENGLISH SUMMARY:
