രാജ്യത്ത് E20 പെട്രോള് (20 ശതമാനം എഥനോള് കലര്ത്തിയ ഇന്ധനം) പൂർണ്ണമായും സുരക്ഷിതമാണെന്ന് കേന്ദ്ര സര്ക്കാര് ലോക്സഭയില് വ്യക്തമാക്കി. ശാസ്ത്രീയ പഠനങ്ങളിലൂടെയും ലാബ്-ഫീല്ഡ് പരിശോധനകളിലൂടെയും ഇത് ഉറപ്പുവരുത്തിയിട്ടുണ്ടെന്ന് കേന്ദ്രമന്ത്രി സുരേഷ് ഗോപി അറിയിച്ചു.
വാഹന നിർമാതാക്കളുമായി നടത്തിയ ചർച്ചകൾക്ക് ശേഷമാണ് E20 പെട്രോൾ ഉപയോഗം സംബന്ധിച്ച് അന്തിമ തീരുമാനമെടുത്തത്. നിർദേശിച്ചപ്രകാരം ഈ ഇന്ധനം ഉപയോഗിക്കുന്നത് വാഹനങ്ങൾക്ക് തികഞ്ഞ സുരക്ഷിതത്വം നൽകുമെന്നും മന്ത്രി ലോക്സഭയില് നൽകിയ മറുപടിയിൽ വ്യക്തമാക്കി.