ഡല്‍ഹിയില്‍ ബിജെപി അധികാരത്തിലെത്തുമെന്ന് സര്‍വേ; 60 സീറ്റ് വരെ നേടും

ഡൽഹി നിയമസഭാ തിരഞ്ഞെടുപ്പിൽ  ബിജെപിക്ക് കേവല ഭൂരിപക്ഷം പ്രവചിച്ച് എക്സിറ്റ് പോൾ സർവേകൾ. 35 മുതൽ 60 വരെ സീറ്റു നേടുമെന്നാണ് പ്രവചനങ്ങൾ. ജേണോ മിററും വീപ്രീസൈഡും മാത്രമാണ് എഎപിയ്ക്ക് ഭൂരിപക്ഷം പ്രവചിക്കുന്നത്. കോൺഗ്രസിന് 3 സീറ്റുകൾ വരെ ലഭിച്ചേക്കും

ബിജെപിക്ക് തിരിച്ചു വരവ് നൽകുന്നതുമാകും രാജ്യതലസ്ഥാനത്തെ തിരഞ്ഞെടുപ്പ് ഫലം എന്നാണ് പ്രവചനങ്ങൾ. പീപ്പിൾ പൾസ്  ബിജെപിക്ക് 51 മുതൽ 60 വരെ സീറ്റുകൾ പ്രവചിക്കുന്നു. ആംആദ്മി പാർട്ടിക്ക് 10 മുതൽ 19 വരേയും കോൺ​ഗ്രസിന് സീറ്റ് ലഭിക്കില്ലെന്നും പറയുന്നു. മാട്രിസ് ബിജെപിക്ക് 35 - 40 വരെയും എഎപിക്ക് 32 - 37 വരെയും കോൺഗ്രസിന് ഒരു സീറ്റും പ്രവചിക്കുന്നുണ്ട്.

Read Also: ഡല്‍ഹിയില്‍ ഭേദപ്പെട്ട പോളിങ്; പലയിടത്തും സംഘര്‍ഷം

ജെവിസി എക്സിറ്റ് പോൾ പ്രകാരം ബിജെപി 39 മുതൽ 45 വരേയും എഎപി 22മുതൽ 31 വരേയും കോൺ​ഗ്രസ് രണ്ടും മറ്റു പാർട്ടികൾ ഒരു സീറ്റും നേടും. പീപ്പിൾ ഇൻസൈറ്റും പി - മാർക്യുവും പോൾ ഡയറിയും ബിജെപിക്ക് അനുകൂലമായ കണക്കുകളാണ് പുറത്തുവിട്ടത്.  എ.എ.പി എക്സിറ്റ് പോളുകളെ തള്ളിയപ്പോൾ ഡൽഹിയിൽ ദുരന്തം മാറുന്നുവെന്ന് ബിജെപി 

ജേണോ മിറർ  45 മുതൽ 48 വരെ സീറ്റോടെ എഎപി ഭരണം പിടിക്കും എന്നാണ് പറയുന്നത് . വീപ്രീസൈഡ് 46 മുതൽ 52 വരെ സീറ്റ്  എഎപിക്ക് പ്രവചിക്കുന്നു. എക്സിറ്റ് പോളുകൾ വിശ്വസിക്കാൻ കഴിയില്ലെന്ന് കോൺഗ്രസ്  നേതൃത്വം പ്രതികരിച്ചു. 

അതേസമയം, എക്സിറ്റ്പോൾ ഫലങ്ങൾക്ക് പിന്നാലെ തുടർ നീക്കങ്ങൾ സംബന്ധിച്ച ആലോചനകളിലേക്ക് കടക്കുകയാണ് ബിജെപി.