''റമാദാനില്‍ രാമനുണ്ട്, ദീപാവലിയില്‍ അലിയുമുണ്ട്''; വൈറലായി ഡല്‍ഹി മുഖ്യമന്ത്രിയുടെ വാക്കുകള്‍

ഐക്യത്തിന്‍റേയും സാഹോദര്യത്തിന്‍റേയും സന്ദേശം പകര്‍ന്ന് ഡല്‍ഹി മുഖ്യമന്ത്രി രേഖ ഗുപ്​തയുടെ റമദാന്‍ സന്ദേശം. ''റമദാനില്‍ രാമനുണ്ട്, ദിപാവലിയില്‍ അലിയുമുണ്ട്'' എന്നാണ് രേഖ് ഗുപ്​ത മാധ്യമങ്ങളോട് പറഞ്ഞത്. രേഖയുടെ പ്രസ്​താവനയ്​ക്ക് പിന്നാലെ വിഡിയോ സോഷ്യല്‍ മീഡിയയില്‍ വൈറലായി. 

നോമ്പ് തുറക്കുന്നതിന്‍റെ ഭാഗമായി സംഘടിപ്പിച്ച 'ദഅവത്ത്-ഇ-ഇഫ്താർ' വിരുന്നിലും രേഖ ഗുപ്​ത പങ്കെടുത്തിരുന്നു. മാർച്ച് 16 ന് ബിജെപിയുടെ പോഷക സംഘടനയായ ന്യൂനപക്ഷ മോർച്ചയാണ് ഇന്ത്യ ഇസ്ലാമിക് കൾച്ചറൽ സെന്ററിൽ ഈ പരിപാടി സംഘടിപ്പിച്ചത്.