നിപ വൈറസ് രോഗലക്ഷണങ്ങള്‍ ഇവയാണ്; തിരിച്ചറിഞ്ഞ് പ്രതിരോധിക്കാം

കോഴിക്കോട് നിപ വൈറസ് ബാധ സംശയിച്ച് കോഴിക്കോട്ട് നാലുപേര്‍ ചികില്‍സയില്‍. കഴിഞ്ഞ ദിവസങ്ങളില്‍ മരിച്ച രണ്ടുപേരുടെ നിപ പരിശോധനാഫലം ഇന്ന് പുറത്തുവരും. ലക്ഷണങ്ങള്‍ കൃത്യമായി മനസിലാക്കുകയും ചികില്‍സ തേടുകയും ചെയ്യേണ്ടത് രോഗപ്രതിരോധത്തില്‍ അതിപ്രധാനമാണ്. നിപ വൈറസ് ശരീരത്തില്‍ പ്രവേശിച്ചാല്‍ 4 മുതല്‍ 14 ദിവസം വരെയുള്ള കാലയളവിലാണ് ലക്ഷണങ്ങള്‍ കണ്ടുതുടങ്ങുന്നത്. അപൂര്‍വം കേസുകളില്‍ ഇത് 21 ദിവസം വരെയാകാം. 

 

1. പനിയോടുകൂടിയ ശരീരവേദന, തലവേദന, ക്ഷീണം, ചുമ, തൊണ്ടവേദന തുടങ്ങിയവയാണ് നിപയുടെ പ്രാരംഭ ലക്ഷണങ്ങള്‍.
2. രോഗം മൂര്‍ച്ഛിക്കുന്നതനുസരിച്ച് ഛര്‍ദി, സ്ഥലകാല ബോധമില്ലായ്മ, മാനസിക വിഭ്രാന്തി, അപസ്മാരം, ബോധക്ഷയം, ശ്വാസതടസം എന്നിവയുണ്ടാകാം. 
3. തലച്ചോറിനെ ബാധിക്കുന്ന എന്‍സഫലൈറ്റിസ് ഉണ്ടാകാനും ന്യൂമോണിയയ്ക്കും സാധ്യതയുണ്ട്.

 

യഥാസമയം രോഗം കണ്ടെത്തി ചികില്‍സിച്ചില്ലെങ്കില്‍ മരണം വരെ സംഭവിക്കാം. മറ്റ് പല രോഗങ്ങളുടെയും ലക്ഷണങ്ങളുമായി നിപ ലക്ഷണങ്ങള്‍ക്ക് സാമ്യമുള്ളതിനാല്‍ രോഗലക്ഷണങ്ങള്‍ കണ്ടാലുടന്‍ ആശുപത്രിയിലെത്തി കൃത്യമായ ചികില്‍സ തേടണം.

 

What are the symptoms of nipah virus? What causes nipah?