അതൃപ്തിയിൽ ഹൈക്കമാൻഡ്: ഗെലോട്ടിനെ അധ്യക്ഷനാക്കാന് സാധ്യത മങ്ങി
രാജസ്ഥാൻ മുഖ്യമന്ത്രി അശോക് ഗെലോട്ടിനെ കോണ്ഗ്രസ് അധ്യക്ഷസ്ഥാനത്തേക്ക് മല്സരിപ്പിക്കാന് സാധ്യതയില്ല. രാജസ്ഥാനിലെ ഇന്നലത്തെ രാഷ്ട്രീയ നാടകത്തിലൂടെ അധ്യക്ഷനാകാന് അര്ഹതയില്ലെന്ന് ഗെലോട്ട് തെളിയിച്ചുവെന്നാണ് നേതൃത്വത്തിന്റെ വിലയിരുത്തല്. സോണിയ ഗാന്ധി നേരിട്ടാണ് ഗെലോട്ടിനോട് അധ്യക്ഷനാകാൻ ആവശ്യപ്പെട്ടത്. എന്നാൽ സംസ്ഥാനത്തെ എംഎൽഎമാരെ നിയന്ത്രിക്കാനാകാത്ത ഗെലോട്ട് അധ്യക്ഷ പദവിക്ക് യോഗ്യനല്ലെന്ന് മുതിർന്ന നേതാക്കളടക്കം നിലപാടെടുത്തു. ഗെലോട്ടിന് പകരം ദിഗ് വിജയ് സിങ്, കമൽനാഥ്, മുകുൾ വാസ്നിക് എന്നിവരില് ഒരാളെ പരിഗണിച്ചേക്കും.
