രണ്ടാഴ്ച്ച ഇൻ്റർനെറ്റ് ഒഴിവാക്കിയാൽ തലച്ചോറിന് 10 വയസ്സ് കുറയുമോ?

ഇൻ്റർനെറ്റ് ഉപയോഗം നിർത്തിയാൽ എന്ത് സംഭവിക്കും? അമിതമായ സ്ക്രീൻ ടൈം തലച്ചോറിനെ മന്ദഗതിയിലാക്കുമെന്നും, വെറും 2 ആഴ്ചം ഇൻ്റർനെറ്റ് ഒഴിവാക്കിയാൽ തലച്ചോറിന് 10 വയസ്സ് കുറയുന്നതായി തോന്നുമെന്നും കണ്ടെത്തല്‍. ശ്രദ്ധ, ഓർമ്മശക്തി, മാനസികാരോഗ്യം എന്നിവയിൽ കാര്യമായ മെച്ചം ഉണ്ടാകുമെന്ന് പുതിയ പഠനം സ്ഥിരീകരിക്കുന്നു.  

ഗവേഷണത്തിൻ്റെ പ്രധാന കണ്ടെത്തലുകൾ 

• 467 പേരിൽ നടത്തിയ പരീക്ഷണത്തിൽ 91% പേർക്കും ശ്രദ്ധയിലും മാനസിക സുഖത്തിലും മെച്ചം അനുഭവപ്പെട്ടു.  
• 71% പേർക്ക് ഉത്കണ്ഠ-വിഷാദം എന്നിവ കുറഞ്ഞു, 73% പേർക്ക് ചിന്താശക്തി വർദ്ധിച്ചു.  
• സോഷ്യൽ മീഡിയ ഒഴിവാക്കിയവർക്ക് ജീവിതത്തിൽ കൂടുതൽ സന്തോഷം ലഭിച്ചതായി അനുഭവപ്പെട്ടു
• യഥാർത്ഥ ബന്ധങ്ങൾക്കും ഹോബികൾക്കും കൂടുതല്‍ സമയം ലഭിച്ചു  
• ഇൻ്റർനെറ്റ് ഡിറ്റോക്സിലൂടെ വിഷാദ മരുന്നുകളേക്കാൾ മികച്ച ഫലം

Also Read; പതിവായി ചിക്കന്‍ കഴിക്കാറുണ്ടോ? ആരോഗ്യ ആശങ്കകള്‍ പങ്കുവച്ച് പഠനം

എങ്ങനെയാണ് പഠനം നടത്തിയത്?  

ടെക്സാസ്, കാനഡ എന്നിവിടങ്ങളിലെ ഗവേഷകർ 18-74 വയസ്സുകാരായ 467 പേരെ 2 ആഴ്ചത്തേക്ക് സ്മാർട്ട്ഫോൺ ഇൻ്റർനെറ്റ് ഉപയോഗം നിരോധിച്ചു (ലാപ്ടോപ്പ്, ഫോൺ കോളുകൾ, എസ്എംഎസ് എന്നിവ അനുവദിച്ചു). പ്രായമായവരിലുള്‍പ്പെടെ ശ്രദ്ധ 30% വർദ്ധിച്ചു. തലച്ചോറിൻ്റെ പ്രവർത്തനം 10 വയസ്സ് പിന്നോക്കം പോയതായി തോന്നി.  സോഷ്യൽ മീഡിയയുടെ നിരന്തരമായ ഉപയോഗത്തിലൂടെ തലച്ചോറിൻ്റെ സ്വാഭാവിക ക്രമീകരണത്തെ തടസ്സപ്പെടുത്തുന്നു. ഡിജിറ്റൽ ഡിറ്റോക്സ് ചെയ്യുമ്പോൾ മസ്തിഷ്കത്തിന് ആവശ്യമായ വിശ്രമം ലഭിക്കുന്നതിലാണ് ആ വ്യത്യാസമെന്ന് പഠനം ചൂണ്ടിക്കാട്ടുന്നു.  

ദിവസത്തിൽ 1 മണിക്കൂർ സ്ക്രീൻ ഫ്രീ ടൈം ഉറപ്പാക്കുന്നതിലൂടെ തലച്ചോറിന്‍റെ  സ്വാഭാവിക ക്രമീകരണം വീണ്ടെടുക്കാം. ഇൻ്റർനെറ്റ് ഒഴിവാക്കി ആഴ്ചയിൽ ഒരു ദിവസം Digital Sabbath ആവാം. സോഷ്യൽ മീഡിയ ഉപയോഗം 50% കുറയ്ക്കുന്നതും ജീവിത്തതില്‍ വലിയ മാറ്റങ്ങളുണ്ടാക്കും.