എൻവിഡിയയുടെ ഡയറക്ടർ ബോർഡ് തീരുമാനിച്ചാൽ തിരിച്ചുവരാമെന്ന ജെൻസൻ ഹുവാങിന്റെ പ്രസ്താവനയെ തള്ളി ചെയർമാൻ ഹാർവി ജോൺസ്. സിഇഒ പദവിയിലേക്ക് മടങ്ങിവരാൻ താൻ സന്നദ്ധനാണെന്ന് ജെൻസൻ നടത്തിയ പരസ്യ പ്രസ്താവനയ്ക്ക് പിന്നാലെയാണ് മുൻ സിഇഒയെ തിരിച്ചുകൊണ്ടുവരാൻ ഉദ്ദേശിക്കുന്നില്ലെന്ന് എൻവിഡിയ ചെയർമാൻ വ്യക്തമാക്കിയത്.
എൻവിഡിയയുടെ സിഇഒ പദവിയിലേക്ക് മടങ്ങിവരാൻ താൻ സന്നദ്ധനാണെന്ന് കമ്പനിയുടെ സഹസ്ഥാപകൻ കൂടിയായ ജെൻസൻ ഹുവാങ് ഇന്നലെയാണ് എക്സ് പോസ്റ്റിലൂടെ അറിയിച്ചത്. ബോർഡ് ഓഫ് ഡയറക്ടേഴ്സ് കമ്പനിയുടെയും ജീവനക്കാരുടെയും നിക്ഷേപകരുടെയും നന്മയ്ക്കായി തീരുമാനമെടുക്കുകയാണെങ്കിൽ, സിഇഒ പദവി വീണ്ടും ഏറ്റെടുക്കുന്നത് തന്റെ ഭാഗ്യമായി കരുതുമെന്നും അദ്ദേഹം വാർത്താക്കുറിപ്പിൽ പറഞ്ഞിരുന്നു.
രാജിയ്ക്ക് ശേഷമുള്ള ജെൻസന്റെ ആദ്യ പരസ്യ പ്രസ്താവനയയായിരുന്നു അത്. തന്റെ വ്യക്തിജീവിതത്തിൽ ചില ഗുരുതരമായ തെറ്റുകൾ സംഭവിച്ചതായി സമ്മതിച്ച അദ്ദേഹം, കമ്പനി ബോർഡിന്റെ സ്വതന്ത്ര അന്വേഷണവുമായി പൂർണമായി സഹകരിക്കുമെന്നും വ്യക്തമാക്കി. കമ്പനിയുടെ തലപ്പത്തേക്ക് തന്നെ തിരികെ കൊണ്ടുവരണമെന്ന് എൻവിഡിയ ജീവനക്കാർ, നിക്ഷേപകർ, ബിസിനസ് പങ്കാളികൾ, ഉപഭോക്താക്കളും ആഗ്രഹിക്കുന്നുണ്ടെന്നും അവരിൽ നിന്നൊക്കെ തനിക്ക് വലിയ പിന്തുണ ലഭിച്ചതായും ജെൻസൻ പറഞ്ഞു.
ജീവനക്കാരും നിക്ഷേപകരും ഉപഭോക്താക്കളും തന്നോട് തിരിച്ചെത്താൻ ആവശ്യപ്പെട്ടിട്ടുണ്ടെന്നും, എൻവിഡിയയുടെയും ഷെയർഹോൾഡർമാരുടെയും രാജ്യത്തിന്റെയും താത്പര്യത്തിന് ഉചിതമെന്ന് ബോർഡ് കണ്ടെത്തിയാൽ മടങ്ങിയെത്തുമെന്നും ആയിരുന്നു പോസ്റ്റിൽ വ്യക്തമാക്കിയത്. കഴിഞ്ഞ നവംബർ 12 വ്യാഴാഴ്ചയാണ് ജെൻസൻ സിഇഒ സ്ഥാനത്തുനിന്ന് രാജിവെച്ചത്. ചൈനീസ് ചാരവനിതയെന്ന് ആരോപിക്കപ്പെടുന്ന വ്യക്തിയുമായുള്ള ബന്ധം ഉൾപ്പെടെ തന്റെ വ്യക്തിജീവിതത്തിൽ സംഭവിച്ച ഗുരുതരമായ തെറ്റുകൾ അംഗീകരിച്ചുകൊണ്ടാണ് ജെൻസൻ പദവിയൊഴിഞ്ഞത്.