റഷ്യയെ ഞെട്ടിച്ച് യുക്രെയ്ന്റെ 'റോബോട്ടിക് സോള്‍ജ്യര്‍'; യുദ്ധരംഗം മാറ്റിമറിച്ച ‘സൈലന്റ് കില്ലര്‍’!

റഷ്യയുമായുള്ള യുദ്ധത്തിൽ യുക്രെയ്ൻ സൈന്യം ഒരു പുതിയ ആയുധം വ്യാപകമായി ഉപയോഗിക്കുന്ന റിപ്പോർട്ടുകൾ പുറത്തുവരുന്നു.   ശത്രുക്കളുടെ പ്രതിരോധ നിരകളെ തകർക്കാനും ആയിരക്കണക്കിന് റഷ്യൻ സൈനികരെ വധിക്കാനും ശേഷിയുള്ള ചക്രങ്ങളിൽ ഘടിപ്പിച്ച ഒരു പ്രത്യേകതരം ബോംബാണിത്. 

യുക്രെയ്ൻ സൈന്യം ഉപയോഗിക്കുന്ന ഈ ആയുധം യഥാർഥത്തിൽ 'റോബോട്ടിക് ഗ്രൗണ്ട് ഡ്രോൺ' എന്നാണ് പറയുക. ചക്രങ്ങളുള്ള ചെറിയ റിമോട്ട് കൺട്രോൾ റോബോട്ടുകളിലോ ഗ്രൗണ്ട് ഡ്രോണുകളിലോ ഘടിപ്പിച്ച് റഷ്യൻ സൈനികർ ഒളിച്ചിരിക്കുന്ന ബങ്കറുകളിലേക്കും സൈനിക ഒളിത്താവളങ്ങളിലേക്കും ചെന്ന് സ്ഫോടനം നടത്തുകയാണ് ഇതിന്റെ പ്രവർത്തന രീതി. 

യുദ്ധരംഗത്ത് റഷ്യൻ സൈന്യം കിലോമീറ്ററുകളോളം വരുന്ന വലിയ മൺകോട്ടകളും ബങ്കറുകളും നിർമ്മിച്ച് അതിനുള്ളിൽ ഒളിച്ചിരിക്കാൻ തുടങ്ങിയതോടെ ആകാശത്ത് നിന്നുള്ള ഡ്രോൺ ആക്രമണങ്ങളിൽ നിന്നും മിസൈലുകളിൽ നിന്നുമുള്ള പ്രതിരോധം എളുപ്പമായിരുന്നു. ഇതോടെ, ശത്രുക്കളുടെ ഈ ഒളിത്താവളങ്ങൾക്ക് അരികിലേക്ക് നേരിട്ട് ചെന്ന് ബോംബുകൾ സ്ഥാപിക്കുന്നത് യുക്രെയ്ൻ സൈനികരുടെ ജീവന് വലിയ ഭീഷണിയാവുകയും ചെയ്തു. ഈ കടുത്ത പ്രതിസന്ധി മറികടക്കാനും സ്വന്തം സൈനികരുടെ ജീവൻ പൂർണ്ണമായി സംരക്ഷിച്ചുകൊണ്ട് റഷ്യൻ ഒളിത്താവളങ്ങൾക്കുള്ളിലേക്ക് നേരിട്ട് എത്തി ആക്രമണം നടത്താനുമാണ് യുക്രെയ്ൻ ഈ രീതി തിരഞ്ഞെടുത്തത്. 

ഇനി ഇത്തരമൊരു മാറ്റം യുദ്ധരംഗത്ത് ഉണ്ടാക്കിയ ഏറ്റവും വലിയ മാറ്റം എന്തെന്നാൽ, ഒരു കോട്ട പോലെ റഷ്യൻ സൈന്യം തീർത്ത ശക്തമായ പ്രതിരോധത്തെ തങ്ങളുടെ ഭാഗത്തു ജീവഹാനി വരാതെ തന്നെ പൂർണ്ണമായി തകർക്കാൻ ഇതിലൂടെ യുക്രെയ്നു കഴിയും എന്നതാണ്. മാത്രമല്ല, വളരെ കുറഞ്ഞ ചിലവിൽ നിർമ്മിക്കാവുന്ന ഇത്തരം റോബോട്ടുകൾക്ക് റഷ്യയുടെ വലിയ ആയുധങ്ങളെപ്പോലും നശിപ്പിക്കാൻ സാധിക്കുന്നു എന്നതും പ്രധാനമാണ്. 

കൂടാതെ, യുക്രെയ്ൻ സൈനികർക്ക് കിലോമീറ്ററുകൾ ദൂരെ സുരക്ഷിതമായി ഇരുന്ന് കൊണ്ട് തന്നെ ശത്രുക്കളെ ലക്ഷ്യം വെക്കാൻ ഈ റോബോട്ടിക് ഗ്രൗണ്ട് ഡ്രോൺ മൂലം സാധിക്കുന്നുണ്ട്. അതിനാൽ, രാത്രിയെന്നോ പകലെന്നോ ഇല്ലാതെ റഷ്യൻ സൈനികർ ഒട്ടും പ്രതീക്ഷിക്കാത്ത സമയത്ത് തന്നെ ഇവ ബങ്കറുകളിലേക്ക് ഇരച്ചുകയറി പൊട്ടിത്തെറിക്കുകയും വലിയ ആഘാതം ഉണ്ടാക്കുകയും ചെയ്യുന്നു. ചുരുക്കത്തിൽ, പരമ്പരാഗത യുദ്ധരീതികളെ മാറ്റിമറിച്ചുകൊണ്ട് യുക്രെയ്ൻ കൊണ്ടുവന്ന ഈ റോബോട്ടിക് ആക്രമണരീതി വരും കാലങ്ങളിൽ കൂടുതൽ വ്യാപകമായിമാറുമെന്നും ജീവഹാനി തടയുന്ന ഒരു യുദ്ധ രീതിയിലേക്ക് ലോകം മാറുമെന്നും പ്രതീക്ഷിക്കാം.