'ഡാ കൊച്ചെര്ക്കാ, ഹാപ്പി ബെര്ത്ത്ഡേ ചക്കരേ'; നസ്ലിന് പിറന്നാള് ആശംസയുമായി ഡിക്യു
- Entertainment
- Published on Jun 11, 2026, 05:53 PM IST
.
മോളിവുഡിന്റെ യങ് സ്റ്റാര് നസ്ലിന് കെ.ഗഫൂര് 26–ാം പിറന്നാള് ആഘോഷിക്കുകയാണ്. 'തണ്ണീര്മത്തന് ദിനങ്ങളി'ല് നായകന്റെ സുഹൃത്തായി എത്തി ഇന്ന് മോളിവുഡിലെ മുന്നിര താരമായ നസ്ലിന്റെ വളര്ച്ച ആരേയും അമ്പരപ്പിക്കുന്നതായിരുന്നു. ചെറിയ പ്രായത്തില് വലിയ വിജയങ്ങളാണ് നസ്ലിന് നേടിയെടുത്തത്.
താരത്തിന്റെ പിറന്നാളിന് ആശംസകള് നേര്ന്ന് പ്രമുഖതാരങ്ങളെല്ലാം രംഗത്തെത്തി. കൂട്ടത്തില് ദുല്ഖര് സല്മാന്റെ പിറന്നാള് ആശംസ ശ്രദ്ധ നേടുകയാണ്. 'ഡാ കൊച്ചെര്ക്കാ, ഹാപ്പിയെസ്റ്റ് ബെര്ത്ത്ഡേ ചക്കരേ, ഹാപ്പിയെസ്റ്റ് ബെര്ത്ത്ഡേ, നല്ലൊരു ദിവസവും നല്ലൊരു വര്ഷവുമാവട്ടെ' എന്നാണ് നസ്ലിന്റെ ചിത്രം പങ്കുവച്ച് ദുല്ഖര് കുറിച്ചത്.
'ലോക; ചാപ്റ്റര് വണ് ചന്ദ്ര'യാണ് ഇരുവരും ഒടുവില് ഒന്നിച്ചഭിനയിച്ച ചിത്രം. കല്യാണി പ്രിയദര്ശന് നായികയായ ചിത്രത്തില് നസ്ലിനായിരുന്നു നായിക. ചിത്രത്തിലെ ദുല്ഖറിന്റെ കാമിയോ റോള് ശ്രദ്ധിക്കപ്പെട്ടിരുന്നു. ദുല്ഖറിന്റെ വേഫെററാണ് ചിത്രം നിര്മിച്ചത്. സിനിമയുടെ പ്രൊമോഷനിടയ്ക്ക് നസ്ലിന് വളരെ ക്യൂട്ടാണെന്നും തനിക്ക് ബാഗിലിട്ട് വീട്ടില് കൊണ്ടുപോവാന് തോന്നിയെന്നും ദുല്ഖര് പറഞ്ഞിരുന്നു. 'പിറന്നാള് ആശംസകള് സൂപ്പര്സ്റ്റാര്. ഐ ലവ് യു നസ്ല', എന്നാണ് 'ലോക' സംവിധായകന് ഡൊമിനിക് അരുണ് കുറിച്ചത്.
അഭിനവ് സുന്ദര് നായക് സംവിധാനം ചെയ്ത 'മോളിവുഡ് ടൈംസാ'ണ് ഒടുവില് പുറത്തുവന്ന നസ്ലിന്റെ ചിത്രം. മികച്ച അഭിപ്രായമാണ് ചിത്രം നേടിക്കൊണ്ടിരിക്കുന്നത്. ജിത്തു മാധവന്റെ 'സൂര്യ 47', രോഹിത് വി.എസിന്റെ 'ടിക്കി ടാക്ക', അമല് നീരദിന്റെ 'ബാച്ച്ലര് പാര്ട്ടി' എന്നിവയാണ് അണിയറയിലൊരുങ്ങുന്ന നസ്ലിന്റെ വിവിധ സിനിമകള്.
ENGLISH SUMMARY:
