'നിന്റെ ഈ മുഖവും കുടവയറും വച്ചിട്ട് ഒരു പ്രമോഷനും കിട്ടില്ല'; ദുരനുഭവം പങ്കുവച്ച് ഉണ്ണിക്കണ്ണന്‍

വിജയ്​യോടുള്ള കടുത്ത ആരാധന കൊണ്ട് പ്രശസ്​തനായ യുവാവാണ് ഉണ്ണികണ്ണന്‍. സാധാരണ ആരാധകരെ പോലെ വിജയ്​യുടെ സിനിമകള്‍ കാണുക മാത്രമല്ല ഇദ്ദേഹം ചെയ്​തത്, വിജയ്​യുടെ ചിത്രങ്ങളും കഴുത്തില്‍ തൂക്കിയിട്ടുള്ള ഉണ്ണിക്കണ്ണന്‍റെ കാല്‍നടയാത്ര വൈറലായിരുന്നു. ഒടുവില്‍ വിജയ്​യെ ഉണ്ണിക്കണ്ണന്‍ കാണുകയും ചെയ്​തിരുന്നു. വിജയ്​യെ കണ്ട് നാട്ടിലെത്തിയതിനുശേഷം യുവാവിനെ നിരവധി ഉദ്ഘാടനങ്ങള്‍ക്കും ചടങ്ങുകള്‍ക്കും ക്ഷണിച്ചവര്‍ നിരവധിയാണ്. 

എന്നാല്‍ തനിക്കുണ്ടായ ഒരു ദുരനുഭവമാണ് ഇപ്പോള്‍ ഉണ്ണിക്കണ്ണന്‍ പങ്കുവച്ചിരിക്കുന്നത്. തന്റെ ഈ മുഖവും കുട വയറും വച്ചിട്ട് ഒരു ഉദ്ഘാടനവും പ്രമോഷനും കിട്ടില്ലെന്ന് ഒരാള്‍ പറഞ്ഞുവെന്നാണ് സങ്കടത്തോടെ ഉണ്ണിക്കണ്ണന്‍ ഇന്‍സ്​റ്റഗ്രാം വിഡിയോയില്‍ പറഞ്ഞത്. 

'ദയവ് ചെയ്ത് ഉപദ്രവിക്കരുത്. ഇത്രയും കാലത്തിനിടയിൽ വളരെ സങ്കടകരമായൊരു കാര്യം ഇന്നലെ നടന്നു. നിന്റെ ഈ മുഖവും കുടവയറും വച്ചിട്ട് ഒരു ഉദ്ഘാടനവും പ്രമോഷനും കിട്ടില്ല. കോഴിയും കുമ്പളങ്ങയും തരാം എന്ന് പറഞ്ഞു. ഞാൻ എന്ത് തെറ്റ് ചെയ്തിട്ടാണ്. ഈ പൈസ കൊണ്ട് ഞാനും അരി വാങ്ങുന്നുണ്ട്. കിട്ടുന്നതിൽ ഒരു പങ്ക് പാവപ്പെട്ടവർക്കും കൊടുക്കുന്നുണ്ട്. ദയവ് ചെയ്ത് എന്നെ ഉപദ്രവിക്കരുത്. ജീവിച്ച് പൊക്കോട്ടെ,' ഉണ്ണിക്കുട്ടന്‍ വിഡിയോയില്‍ പറഞ്ഞു.