വിമര്‍ശനമാവാം അധിക്ഷേപമെന്തിന്?വിനായകന്‍ തിരുത്തേണ്ടതുണ്ടോ?

മലയാള സിനിമയിലെ മികച്ച നടന്മാരുടെ കൂട്ടത്തിലാണ് വിനായകനും. അദ്ദേഹത്തിന്റെ സിനിമകള്‍ കണ്ട ആര്‍ക്കും മറിച്ചൊരു അഭിപ്രായം ഉണ്ടാവാനിടയില്ല. അതുകൊണ്ടുതന്നെ വലിയ ജനപ്രീതിയുള്ള നടനാണ് അദ്ദേഹം. അത് ഒരുവശമാണ്.  പക്ഷേ, മറുവശത്ത് വിനായകന്‍ വിവാദങ്ങളുടെ നായകനാണ്.

ആര്‍ക്കും ആരെയും വിമര്‍ശിക്കാന്‍ ഈ രാജ്യത്ത് തടസമില്ല. ഭരണഘടന ഉറപ്പ് നല്‍കുന്ന അഭിപ്രായ സ്വാതന്ത്ര്യമാണത്. പക്ഷേ, വിമര്‍ശനങ്ങളില്‍ പാലിക്കേണ്ട മര്യാദകളുണ്ട്. അതിരുവിടുമ്പോള്‍ വിമര്‍ശനങ്ങള്‍ അധിക്ഷേപങ്ങളായി മാറും. 

കേട്ടാലറയ്ക്കുന്ന തെറിപ്രയോഗങ്ങള്‍ കൊണ്ടാണോ സമൂഹമാധ്യമങ്ങളില്‍ പ്രത്യേകിച്ച്, വിമര്‍ശനങ്ങള്‍ പറയേണ്ടത്? വിനായകന് എന്തുമാകാമെന്നാണോ? വിനായകന്‍ തിരുത്തേണ്ടതുണ്ടോ?