11 ദിവസത്തിനിടെ രണ്ടു പേരെ വയനാട്ടില്‍ ആന ചവിട്ടിക്കൊന്നു. ജനുവരി മുപ്പത്തിഒന്നിന് തോല്‍പ്പെട്ടിയില്‍ 55 കാരനായ ലക്ഷ്മണെന്ന തോട്ടം തൊഴിലാളിയെ ആന ചവിട്ടിമെതിച്ച് ജീവനെടുത്തത് പുറം ലോകമെറിഞ്ഞത് ഒരുദിവസം കഴിഞ്ഞാണെങ്കില്‍, ഇന്ന് മാനന്തവാടി ചാലിഗദ്ദ പനച്ചിയില്‍ അജീഷിനെ..മോഴയാന ഒരു വീട്ടുമുറ്റത്തിട്ട് ചവിട്ടുന്നത് നാടാകെ വേദനയോടെ നിസഹായതയോടെ നോക്കിനിന്നു. കര്‍ണാടക റേഡിയോ കോളര്‍ ഘടിപ്പിച്ച ഈ ആളക്കൊല്ലി ആന ദിവസങ്ങളായി വയനാടന്‍ കാട്ടിലുള്ള കാര്യം വനംവകുപ്പിനറിയാം.
മൂന്നുദിവസം മുന്‍പ് സിസിഎഫ് മാധ്യമപ്രവര്‍ത്തകരോട് കാമറയ്ക്ക് മുന്നില്‍ പറഞ്ഞ കാര്യമാണത്. നിരീക്ഷണത്തിലാണെന്ന്. എന്നിട്ടും ആന ജനവാസമേഖലയിലെത്തി... ആളെ കൊന്നു. അധികൃതരും വനംവകുപ്പും മൊത്തം ഭരണകൂടസംവിഘാനങ്ങളും എന്ത് ചെയ്തു ? ചാലിഗദ്ദ പനച്ചിയില്‍ അജീഷാണ് മരിച്ചത്.
അദ്ദേഹത്തിന്‍റെ ഉറ്റവരും ഉടയവരും നാട്ടുകാരും ഇന്ന് കലക്ടറേറ്റിലും ആശുപത്രിയിലുമൊക്കെയായി മൃതദേഹവുമായി പ്രതിഷേധിച്ച് താല്‍കാലി ആശ്വാസങ്ങള്‍, ആ കുടുംബത്തിന് വേണ്ടത് നേടിയെടുത്തിട്ടുണ്ട്. ആന പക്ഷേ ഇപ്പോഴും ആ പരിസരത്തുണ്ട്. ആധിയെങ്ങനയൊഴിയും, ആനയും, കരടിയും, കടുവയുമൊക്കെയായി നാടിറങ്ങുമ്പോള്‍ ഒറ്റചോദ്യം.. മനുഷ്യന് വിലയില്ലേ ???
