പരീക്ഷയ്ക്ക് മാര്ക്ക് കുറഞ്ഞതിന് അമ്മ വഴക്ക് പറഞ്ഞതിന് പിന്നാലെ 11 വയസുകാരന് ജീവനൊടുക്കി. കൊല്ലം നെടുമ്പൻകാവില് സൊസൈറ്റി മുക്ക് സ്വദേശി ദേവദര്ശ് ആണ് മരിച്ചത്. അനിൽ കുമാർ-രേഷ്മ ദമ്പതികളുടെ മകനായ ദേവദര്ശിനെ വൈകീട്ട് 5:30 ക്കാണ് വീടിന്റെ ജനലിൽ തൂങ്ങിയ നിലയിൽ കണ്ടെത്തുന്നത്.
ജനലിൽ തോർത്ത് കെട്ടിയാണ് കുട്ടി തൂങ്ങി മരിച്ചത് എന്നാണ് പൊലീസ് പറയുന്നത്. പൊലീസ് സംഭവത്തിൽ അന്വേഷണം ആരംഭിച്ചിട്ടുണ്ട്. കുട്ടിക്ക് പരീക്ഷയിൽ മാർക്ക് കുറഞ്ഞത് അധ്യാപിക അമ്മയെ വിളിച്ച് അറിയിച്ചിരുന്നു. അമ്മ ശാകാരിച്ചതാണ് കുട്ടിയെ മാനസിക വിഷമത്തിലേക്ക് എത്തിച്ചതെന്നാണ് പ്രാഥമിക നിഗമനം.