കോഴിക്കോട് പാളയത്ത് യുവാവിനെ മരിച്ച നിലയില് കണ്ടെത്തി. പാളയം സ്വദേശി ബിജുവാണ് മരിച്ചത്.
കോഴിക്കോട് പാളയത്ത് യുവാവിനെ മരിച്ച നിലയില് കണ്ടെത്തി. പാളയം സ്വദേശി ബിജുവാണ് മരിച്ചത്. ചോരയില് കുളിച്ച് കിടക്കുന്ന നിലയിലായിരുന്നു മൃതദേഹം. കൊലപാതകമെന്ന് സംശയിക്കുന്നതായി പൊലീസ് വ്യക്തമാക്കി. ഒറ്റമുറി വീട്ടിലാണ് ബിജുവിനെ മരിച്ച നിലയില് കണ്ടെത്തിയത്. പശുകച്ചവടക്കാരനാണ് മരിച്ച ബിജു.
പുലര്ച്ചെ അമ്മയാണ് ചോരയില് കുളിച്ചു നില്ക്കുന്ന നിലയില് ബിജുവിനെ കണ്ടത്. പൊലീസ് എത്തി നടത്തിയ പരിശോധനയിലാണ് കഴുത്തിലും ശരീരത്തിലും വെട്ടേറ്റ പാടുകള് കണ്ടത്. മയക്കുമരുന്ന് മാഫിയയാണ് കൊലപാതകത്തിന് പിന്നാലെന്ന് കുടുബം സംശയം പ്രകടിപ്പിച്ചു. സമീപത്തെ പറമ്പില് ലഹരിമാഫിയയുടെ താവളമാണെന്നും അവരെ ചോദ്യം ചെയ്തതിന്റെ പ്രതികാരമാകാം കൊലപാതകമെന്നും കുടുംബാംഗം മനോരമ ന്യൂസിനോട് പറഞ്ഞു.
ENGLISH SUMMARY:
A man named Biju, a cattle trader from Palayam, Kozhikode, was found dead in his home, covered in blood with severe cut injuries on his body. Police suspect murder, as the victim was discovered in his single-room house by his mother early this morning. The grieving family alleges that the local drug mafia is responsible for the killing, citing a long-standing dispute over the gang's presence in a nearby property. Authorities have launched an investigation into the incident, following the family's claim that Biju may have been targeted for questioning the group's illegal activities.
