അടി, തിരിച്ചടി, സമാധാനം; വെടിനിര്ത്തലിന് പിന്നാലെ എണ്ണയും സ്വര്ണവും താഴേക്ക്; കേരളത്തില് സ്വര്ണ വില കുറഞ്ഞു
- Business
- Published on Jun 24, 2025, 09:13 AM IST
- Updated on Jun 24, 2025, 10:24 AM IST
(COMBO) This combination of pictures created on June 18, 2025 shows (L to R) a handout picture released by the official website of Iran's Supreme leader Ayatollah Ali Khamenei on March 12, 2025 depicting him during a meeting with Iranian students in Tehran; US President Donald Trump speaking to reporters about the G7 Summit aboard Air Force One while travelling back to Washington from Canada on June 16, 2025; and Israel's Prime Minister Benjamin Netanyahu giving a news conference in Jerusalem on September 2, 2024. Iran's supreme leader on June 18 described as "unacceptable" an ultimatum from US President Donald Trump calling for the nation's "unconditional surrender". (Photo by Brendan Smialowski and Ohad Zwigenberg / various sources / AFP) / RESTRICTED TO EDITORIAL USE - MANDATORY CREDIT "AFP PHOTO / IRANIAN SUPREME LEADER'S WEBSITE" - NO MARKETING NO ADVERTISING CAMPAIGNS - DISTRIBUTED AS A SERVICE TO CLIENTS
ഇറാന്റെ യുഎസ് സൈനിക ക്യാംപ് ആക്രമണത്തിന് ശേഷം താഴ്ന്നിറങ്ങി ക്രൂഡ്, സ്വര്ണ വില. ആക്രമണത്തിന് പിന്നാലെ യുഎസ് പ്രസിഡന്റ് ഡൊണള്ഡ് ട്രംപ് വെടിനിര്ത്തല് പ്രഖ്യാപിച്ചതാണ് വിലയിടിയാന് കാരണം. ഹോര്മുസ് കടലിടുക്ക് അടയ്ക്കുമെന്നുള്ള ഭീഷണികള്ക്കിടെ സംഘര്ഷം അവസാനിക്കുന്നു എന്ന സൂചനകള് ഓഹരി വിപണിക്ക് നേട്ടമായി.
ജൂണ് 13 ന് ഇസ്രയേല് ഇറാനെ ആക്രമിക്കുന്നതിന് മുന്പുള്ള നിലവാരത്തിലേക്ക് എണ്ണ വിലയെത്തി. യുഎസ് വെസ്റ്റ് ടെക്സസ് ഇന്റര്മീഡിയറ്റ്(ഡബ്ലുടിഐ) ക്രൂഡ് ഫ്യൂച്ചര് ബാരലിന് 65.02 ഡോളറിലേക്ക് എത്തി. 5.10 ശതമാനം ഇടിവ്. ഇറാനിലേക്ക് യുഎസ് ആക്രമണം നടത്തിയ സമയം 81 ഡോളറിലേക്ക് എത്തിയ ബ്രെന്ഡ് ക്രൂഡ് എട്ടു ശതമാനം ഇടിഞ്ഞ് 68.57 ഡോളറിലേക്ക് എത്തി.
രാജ്യാന്തര സ്വര്ണ വില രണ്ടാഴ്ചത്തെ താഴ്ന്ന നിലവാരത്തിലേക്കും പതിച്ചു. 12 ദിവസം നീണ്ട സംഘര്ഷ സാഹചര്യത്തിന് അവസാനമായെന്ന ട്രംപിന്റെ പ്രഖ്യാപനം തന്നെയാണ് സ്വര്ണത്തിനും നേട്ടമായത്. സുരക്ഷിത നിക്ഷേപം എന്ന നിലയ്ക്കുള്ള ഡിമാന്റ് കുറഞ്ഞതോടെ സ്പോട്ട് ഗോള്ഡ് ട്രോയ് ഔണ്സിന് 3348 നിലവാരത്തിലേക്ക് എത്തി. ഇന്നലെ രാവിലെ 3360 ഡോളര് നിലവാരത്തിയാരുന്നു സ്വര്ണ വില. ഡോളറിനെതിരെ രൂപ നിലവാരം മെച്ചപ്പെടുത്തിയാതോടെ കേരളത്തില് ഇന്ന് സ്വര്ണ വില കാര്യമായി കുറഞ്ഞു.
കേരളത്തില് സ്വര്ണ വില പവന് 600 രൂപ കുറഞ്ഞ് 73,240 രൂപയായി. ഗ്രാമിന് 75 രൂപ കുറഞ്ഞ് 9,155 രൂപയാണ് ഇന്നത്തെ നിരക്ക്.
മധ്യപൂര്വദേശത്തെ സംഘര്ഷം അയയുന്നതോടെ യുഎസ് ഓഹരി വിപണിയും നേട്ടത്തിലേക്കാണ്. ഏഷ്യന് വിപണികളില് ജാപ്പനീസ് നിക്കേയ് 1.24 ശതമാനവും ഹോങ്കോങ് 1.43 ശതമാനവും ഷാങ്ഹായ് 0.50 ശതമാനവും മുന്നേറി. വ്യാപാരത്തിന്റെ തുടക്കത്തില് സെന്സെക്സ് 900 പോയിന്റും നിഫ്റ്റി 270 പോയിന്റും നേട്ടമുണ്ടാക്കി.
തിങ്കളാഴ്ച രാത്രിയോടെയാണ് ഇറാന് ഖത്തറിലെ യുഎസ് സൈനിക ക്യാംപായ അൽ ഉദെയ്ദ് എയർ ബേസ് ഹ്രസ്വ-ദൂര, മധ്യദൂര ബാലിസ്റ്റിക് മിസൈലുകള് ഉപയോഗിച്ച് ആക്രമിച്ചത്. 14 മിസൈലുകള് ഇറാന് ദോഹയിലേക്ക് അയച്ചെന്നും ഇതില് 13 എണ്ണത്തെ ആകാശത്തു വച്ച് പ്രതിരോധിച്ചെന്നും ട്രംപ് പറഞ്ഞു. ഇറാന്റെ ആണവ കേന്ദ്രങ്ങളിലേക്ക് യുഎസ് നടത്തിയ ആക്രമണത്തിന് തിരിച്ചടിയായിരുന്നു ഇറാന് നടത്തിയത്.
ENGLISH SUMMARY:
