വിമ്പിള്ഡണില് അല്കാരസ്– സിന്നര് കലാശ പോരാട്ടം. സെമിയില് സെര്ബിയയുടെ നൊവാക് ജോക്കോവിച്ചിനെ സിന്നര് പരാജയപ്പെടുത്തിയപ്പോള്, അമേരിക്കയുടെ ടെയ്ലര് ഫ്രിറ്റ്സിനെ തോല്പ്പിച്ചാണ് അല്കാരസ് ഫൈനലിലേക്ക് മുന്നേറിയത്. നാളെയാണ് ഫൈനല് പോരാട്ടം.
തുടര്ച്ചയായ മൂന്നാം വിമ്പിള്ഡണ് ജയിക്കാന് അല്കാരസ്, ഈ വര്ഷം മൂന്നാം തവണയും അല്കാരസിനോട് ഫൈനലില് തോല്ക്കാതിരിക്കാന് സിന്നര്. വിമ്പിള്ഡണ് ഫൈനലില് കാത്തിരിക്കുന്നത് യുവതുര്ക്കികളുടെ തീപാറും പോരാട്ടം. സെമിയില് ഇതിഹാസ താരം സെര്ബിയയുടെ നൊവാക് ജോക്കോവിച്ചിനെയാണ് സിന്നര് പരാജയപ്പെടുത്തിയത്. മൂന്ന് സെറ്റ് നീണ്ടുനിന്ന പോരാട്ടത്തിനൊടുവിലായിരുന്നു ജയം.
ആദ്യ സെമിയില് കാര്ലോസ് അല്കാരസ് 4 സെറ്റ് നീണ്ട പോരാട്ടത്തിനൊടുവിലാണ് ടെയ്ലര് ഫ്രിറ്റ്സിനെ പരാജയപ്പെടുത്തിയത്. കലാശക്കൊട്ടില് ആധിപത്യം സ്പാനിഷ് താരത്തിന് തന്നെ. കഴിഞ്ഞ രണ്ട് വര്ഷത്തെ ഫൈനല് പോരാട്ടങ്ങളില് ഒന്നില് പോലും സിന്നറിന് വിജയിക്കാനായില്ല. പക്ഷേ ഇക്കഴിഞ്ഞ ഫ്രഞ്ച് ഓപ്പണില് ഏറ്റവും ദൈര്ഘ്യമേറിയ മത്സരം കാഴ്ചവെച്ചാണ് ഇറ്റാലിയന് താരം അല്കാരസിന് മുന്നില് കീഴടങ്ങിയത്. അതിനാല് മറ്റൊരു ക്ലാസിക് പോരാട്ടം കാണാനുള്ള തയ്യാറെടുപ്പിലാണ് ടെന്നീസ് പ്രേമികള്.
ENGLISH SUMMARY:
