ലോക ചാമ്പ്യന്മാർക്ക് ജയത്തോടെ തുടക്കം: വെംബ്ലിയിൽ ഇംഗ്ലണ്ടിനെ തകർത്ത് സ്പെയിൻ

ലോകകപ്പ് ജേതാക്കളായ സ്പെയിന്‍, യുവേഫ നേഷൻസ് ലീഗില്‍  ജയത്തോടെ തുടങ്ങി. ഇംഗ്ലണ്ടിനെ രണ്ടിനെതിരെ മൂന്നു ഗോളുകള്‍ക്ക് പരാജയപ്പെടുത്തി. ലോക ചാംപ്യന്മാരായ ശേഷം സ്പെയിനിന്‍റെ ആദ്യമത്സരമായിരുന്നു ഇത്. 

ലണ്ടനിലെ വെംബ്ലിയിൽ ആവേശകരമായ മത്സരത്തിൽ ലാമിൻ യമാൽ, അലക്സ് ബയേന, മിക്കൽ ഒയാർസബാൽ എന്നിവർ സ്പെയിനായി ഗോൾ നേടി. ഇംഗ്ലണ്ടിന്റെ ഗോളുകൾ ആന്തണി ഗോർഡനും ഹാരി കെയ്നും നേടി. ലോകകപ്പ് ജയിച്ചശേഷം സ്പെയിനിന്‍റെ ആദ്യ മത്സരമാണിത് . യൂറോ 2024 ഫൈനലിന്റെ ആവർത്തനമാണ് വെംബ്ലിയിലും കണ്ടത്.  അന്ന് ഫൈനലില്‍ ഇംഗ്ലണ്ടിനെതിരായ വിജയ ഗോൾ നേടിയ  ഒയർസബാൽ തന്നെയാണ് ഇത്തവണയും സ്പെയിന്റെ വിജയഗോൾ നേടിയത്. 

മത്സരം തുടങ്ങി രണ്ടാം മിനിറ്റിൽ തന്നെ  യമാൽ സ്പെയിനെ മുന്നിലെത്തിച്ചു. 36-ാം മിനിറ്റിൽ ആന്തണി ഗോർഡൻ ഇംഗ്ലണ്ടിനെ ഒപ്പമെത്തിച്ചു. നാല് മിനിറ്റിന് ശേഷം നായകൻ ഹാരി കെയ്ൻ കൂടി വല കുലുക്കിയതോടെ ആദ്യപകുതിയിൽ ഇംഗ്ലണ്ട് 2–1ന് മുന്നിലെത്തി. 

രണ്ടാം പകുതിയിൽ സ്പെയിൻ ശക്തമായി തിരിച്ചുവന്നു. 60-ാം മിനിറ്റിൽ അലക്സ് ബയേന സമനില ഗോൾ നേടി. 74-ാം മിനിറ്റിൽ മിക്കൽ ഒയാർസബാൽ നിർണായക ഗോൾ കണ്ടെത്തിയതോടെ സ്പെയിൻ 3–2ന് മുന്നിലെത്തി. ഇതോടെ നേഷൻസ് ലീഗിലും മിന്നുന്ന ഫോം തുടരുകയാണെന്ന് തെളിയിക്കുകയാണ് ലോകചാംപ്യന്മാര്‍.