ആദ്യപകുതി അവസാനിച്ചു; ഫ്രാൻസിനെതിരെ സ്പെയിൻ മുന്നിൽ; ഫൈനലിലേക്ക് ആര്?

ഫിഫ ലോകകപ്പ് സെമിഫൈനലിൽ ഫ്രാൻസും സ്പെയിനും തമ്മിലുള്ള പോരാട്ടം. ആദ്യപകുതി അവസാനിക്കുമ്പോള്‍ സ്പെയിന്‍ ഒരു ഗോളിന് മുന്നില്‍. യാമലിനെതിരെ ഡിഗ്നെ ഫൗൾ ചെയ്തതിന് പെനാൽറ്റി അനുവദിക്കുകയായിരുന്നു. പെനാൽറ്റി ഗോളാക്കി മാറ്റിയ മിക്കൽ ഒയാർസബാൽ സ്പെയിനിന് ലീഡ് നല്‍കുകയായിരുന്നു.

തുടർച്ചയായ മൂന്നാം ലോകകപ്പ് ഫൈനൽ ലക്ഷ്യമിട്ടിറങ്ങുന്ന ഫ്രാൻസും, യൂറോപ്യൻ ചാമ്പ്യന്മാരായ സ്പെയിനും തമ്മിലുള്ള പോരാട്ടം ഡാലസ് സ്റ്റേഡിയത്തിൽ തീ പാറിക്കുമെന്ന് ഉറപ്പ്.  വിജയിക്കുന്നവർ ജൂലൈ 19-ന് നടക്കുന്ന ഫൈനലിൽ അർജന്റീന- ഇംഗ്ലണ്ട് മല്‍സരത്തിലെ വിജയികളെ നേരിടും.

കഴിഞ്ഞ മൂന്ന് ലോകകപ്പുകളിലും മികച്ച ഫോമിലുള്ള ഫ്രാൻസ്, മികച്ച അറ്റാക്കിങ് നിരയുമായാണ് ഇത്തവണയും എത്തുന്നത്. ക്വാർട്ടർ ഫൈനലിൽ മൊറോക്കോയെ പരാജയപ്പെടുത്തിയാണ് അവർ സെമിയിൽ കടന്നത്. കിലിയൻ എംബപെയുടെ നേതൃത്വത്തിലുള്ള ഫ്രഞ്ച് നിരയ്ക്ക് സ്പെയിനിന്റെ പ്രതിരോധനിരയെ മറികടക്കുക എന്നത് വലിയ വെല്ലുവിളിയായിരിക്കും.

മറുഭാഗത്ത്, പ്രതിരോധത്തിൽ അതീവ ശ്രദ്ധ പുലർത്തുന്ന സ്പെയിൻ, ഇതുവരെ കളിയിലുടനീളം മികച്ച പ്രകടനമാണ് കാഴ്ചവെച്ചിരിക്കുന്നത്. ബെൽജിയത്തിനെതിരായ ക്വാർട്ടർ ഫൈനൽ ജയം അവർക്ക് വലിയ ആത്മവിശ്വാസം നൽകുന്നു. മധ്യനിരയിൽ റോഡ്രിയുടെ നിയന്ത്രണവും ലമീൻ യമാലിന്റെ ആക്രമണങ്ങളും സ്പെയിനിന്റെ കരുത്താണ്.