മൂന്നാം ട്വന്റി20യില് ദക്ഷിണാഫ്രിക്കയ്ക്ക് ബാറ്റിംഗ്. ധരംശാലയില് ടോസ് നേടിയ ഇന്ത്യന് ക്യാപ്റ്റന് സൂര്യകുമാര് യാദവ് ദക്ഷിണാഫ്രിക്കയെ ബാറ്റിംഗിന് അയയ്ക്കുകയായിരുന്നു. രണ്ട് മാറ്റങ്ങളുമായിട്ടാണ് ഇന്ത്യ ഇറങ്ങിയത്. ജസ്പ്രിത് ബുമ്ര, അക്സര് പട്ടേല് എന്നിവര് ടീമിന് പുറത്തായപ്പോള് ഹര്ഷിത് റാണ, കുല്ദീപ് യാദവ് എന്നിവര് ടീമിലെത്തി. സഞ്ജു സാംസണ് തുടര്ച്ചയായ മൂന്നാം ടി20 മത്സരത്തിലും അവസരം ലഭിച്ചില്ല. ദക്ഷിണാഫ്രിക്ക മൂന്ന് മാറ്റം വരുത്തി. ഡേവിഡ് മില്ലര്, ജോര്ജ് ലിന്ഡെ, ലുതോ സിംപാല എന്നിവര് പുറത്തായി. കോര്ബിന് ബോഷ്, ആന്റിച്ച് നോര്ജെ, ട്രിസ്റ്റണ് സ്റ്റബ്സ് എന്നിവര് തിരിച്ചെത്തി. അഞ്ച് മത്സരങ്ങളുടെ പരമ്പരയില് ഇരു ടീമുകളും 1-1 ഒപ്പത്തിനൊപ്പമാണ്.
മോശം പ്രകടനങ്ങളെത്തുടർന്ന് വിമര്ശനം നേരിടുന്ന ക്യാപ്റ്റന് സൂര്യകുമാര് യാദവിനും വൈസ് ക്യാപ്റ്റന് ശുഭ്മന് ഗില്ലിനും ഏറെ നിര്ണായകമാണ് ഇന്നത്തെ മത്സരം. ഓപ്പണിങ്ങിൽ മികച്ച റെക്കോർഡുള്ള സഞ്ജു സാംസൺ റിസർവ് ബെഞ്ചിലിരിക്കുമ്പോളാണ് ഗില്ലിന് ഇന്ത്യ വീണ്ടും അവസരം നല്കിയത്.
ഇന്ത്യ: അഭിഷേക് ശര്മ, ശുഭ്മാന് ഗില്, സൂര്യകുമാര് യാദവ് (ക്യാപ്റ്റന്), തിലക് വര്മ, ഹാര്ദിക് പാണ്ഡ്യ, ശിവം ദുബെ, ജിതേഷ് ശര്മ (വിക്കറ്റ് കീപ്പര്), ഹര്ഷിത് റാണ, അര്ഷ്ദീപ് സിംഗ്, കുല്ദീപ് യാദവ്, വരുണ് ചക്രവര്ത്തി.
ദക്ഷിണാഫ്രിക്ക: റീസ ഹെന്ഡ്രിക്സ്, ക്വിന്റണ് ഡി കോക്ക്, ഐഡന് മാര്ക്രം (ക്യാപ്റ്റന്), ഡെവാള്ഡ് ബ്രവിസ്, ട്രിസ്റ്റന് സ്റ്റബ്സ്, ഡോണോവന് ഫെരേര, മാര്ക്കോ ജാന്സെന്, കോര്ബിന് ബോഷ്, ആന്റിച്ച് നോര്ജെ, ലുങ്കി എന്ഗിഡി, ഒട്ട്നീല് ബാര്ട്ട്മാന്.