മണവാട്ടിമാരെ അരികിലിരുത്തി ചേട്ടനും അനുജനും പരസ്പരം ചോറ് വാരിക്കൊടുക്കുന്ന ചിത്രം സോഷ്യൽ മീഡിയയിൽ ചിരിയും ഊഷമള സ്നേഹവും പടർത്തുന്നു. മൂന്ന് വർഷത്തെ ഇടവേളയിൽ നടന്ന വിവാഹ ചിത്രമാണ് വൈറലാകുന്നത്. 2016ലും 2019ലും വിവാഹിതരായ ചേട്ടനും അനിയനുമാണ് ഈ വെറൈറ്റി ചലഞ്ച് കഥയിലെ കേന്ദ്രപാത്രങ്ങൾ.
വിവാഹ സദ്യക്കിടെ ചേട്ടനെ സ്നേഹത്തോടെ ചോറൂട്ടുന്ന അനിയനാണ് 2016ൽ സംഭവിച്ച ഒന്നാമത്തെ ചിത്രത്തിൽ. 2019ൽ അനിയന്റെ വിവാഹ സമയമാകുമ്പോൾ അതേ ചേട്ടൻ അനിയന് സ്നേഹത്തോടെ ചോറുരുള നൽകുന്നു. ഈ രണ്ടു സ്നേഹവും കണ്ട് ഇവർക്കരികിൽ നിലയുറപ്പിച്ചിരിക്കുന്ന മണവാട്ടിമാർ അന്തംവിട്ടിരിക്കുന്ന കാഴ്ചയാണ് ചിരിക്കുള്ള വക നൽകുന്നത്.
ജിഎൻപിസി ഗ്രൂപ്പിലാണ് അസൂയയും സ്നേഹവും സമംചേരുന്ന ഈ കാഴ്ച പ്രത്യക്ഷപ്പെട്ടത്. ആര്യൻ ഗോകുലാണ് ആ ചിത്രം പങ്കുവച്ചിരിക്കുന്നത്. ചുരുങ്ങിയ സമയം കൊണ്ട് ഈ ചേട്ടന്റേയും അനിയന്റേയും സ്നേഹം സോഷ്യൽ മീഡിയയിൽ വൈറലായിട്ടുണ്ട്