ഡിആർഎസിൽ ധോണിയെ വെല്ലാൻ ആരുമില്ലെന്ന് ഒരിക്കൽക്കൂടി തെളി‍ഞ്ഞു. അതുകൊണ്ടുതന്നെ ആരാധകർ ഡിആർഎസിനെ ധോണി റിവ്യൂ സിസ്റ്റം എന്നാണ് വിളിക്കുന്നത്. ദക്ഷിണാഫ്രിക്കയ്ക്കെതിരായ നാലാം ഏകദിനത്തിൽ ധോണിയുടെ അഭിപ്രായം കേട്ട കോഹ്‌ലിക്ക് തീരുമാനം തെറ്റിയില്ല.
ജസ്പ്രീത് ബുമ്രയെറിഞ്ഞ ഏഴാം ഓവറി‌ലെ നാലാം പന്ത് നേരിട്ടത് ഹാഷിം ആംലയായിരുന്നു. ആംലയുടെ ഷോട്ട് മിസ്സായതോടെ പന്ത് ധോണിയുടെ കൈകളിലെത്തി. പന്ത് ബാറ്റിൽ കൊണ്ടെന്ന് പറഞ്ഞ് ധോണിയുൾപ്പെടെയുള്ള ഇന്ത്യൻ താരങ്ങൾ വിക്കറ്റിനായി അപ്പീൽ ചെയ്തെങ്കിലും അംപയര്‍ ഒൗട്ട് വിധിച്ചില്ല. തുടർന്ന് ഡിആർഎസ് വിളിക്കാൻ രോഹിത് ശർമ കോ‌ഹ്‌ലിയോട് ആവശ്യപ്പെടുകയായിരുന്നു. എന്നാൽ വേണ്ടെന്ന് ധോണി ആംഗ്യം കാണിച്ചതോടെ കോഹ്‌‌ലി ശ്രമം ഉപേക്ഷിക്കുകയായിരുന്നു.
റീപ്ലേയിൽ ധോണിയുടെ ശരിയാണെന്ന് വ്യക്തമായി. ഇന്ത്യയുടെ വിലപ്പെട്ട ഒരു റിവ്യൂ പാഴാക്കുന്നതിൽനിന്ന് ധോണി കോഹ്‌ലിയെ വീണ്ടും രക്ഷപ്പെടുത്തുകയായിരുന്നു. മൽസരത്തിൽ ഇന്ത്യ അഞ്ച് വിക്കറ്റിനാണ് പരാജയപ്പെട്ടിരുന്നത്.