ഗോൾ ക്ഷാമവും സമനിലയുമൊക്കെ അംഗീകരിക്കുന്നു, പക്ഷെ കേരള ബ്ളാസ്റ്റേഴ്സിനെ കൈവിടാൻ ആരാധകർ തയ്യാറല്ല. ഇന്നലെ ഡൽഹിയിൽ നടന്ന കളിയിൽ നിന്നും ഇക്കാര്യം വ്യക്തമായി. ഗ്യാലറിയിൽ ആരാധകരുടെ സ്നേഹവും പിന്തുണയും ടീമിനു പ്രചോദനം നൽകിയെന്ന കാര്യത്തിൽ സംശയമില്ല. ഡൽഹിയെ അവരുടെ ഗോദയിൽ നേരിടുമ്പോൾ ബ്ളാസ്റ്റേഴ്സിനെ അകമഴിഞ്ഞ് പിന്തുണയ്ക്കാൻ ആരാധകർ ഒട്ടും മടികാണിച്ചില്ല. ഇയാൻ ഹ്യൂമിന്റെ സ്വപ്നതുല്യമായ ഹാട്രിക് പ്രകടനം കൂടിയായപ്പോൾ ആ ആ സ്നേഹപ്രകടനം പരകോടിയിലെത്തി. കളിയ്ക്കു ശേഷം ആരാധകരോടു നന്ദി പറയാനും ടീമംഗങ്ങൾ മറന്നില്ല. ഗ്യാലറിയിൽ ആരാധകരുടെ മുന്നിലെത്തി കൈകളുയർത്തിയാണ് കാണികളോടുള്ള നന്ദി അറിയിച്ചത്.