മന്ത്രവാദ പൂജ നടത്താനെന്ന പേരിൽ പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ചയാൾ അറസ്റ്റിൽ. സൗത്ത് മാറാടി പാറയിൽ അമീർ (38) ആണു പിടിയിലായത്.ദോഷം മാറ്റാനുള്ള പൂജയ്ക്കാണെന്നു പറഞ്ഞു കുട്ടിയെ ലൈംഗികമായി ഉപദ്രവിക്കാൻ ശ്രമിക്കുകയായിരുന്നു. പെൺകുട്ടി ഓടി രക്ഷപ്പെട്ടു. തുടർന്നാണു പൊലീസിൽ പരാതി നൽകിയത്. 9-ാം ക്ലാസ് വരെ പഠിച്ചിട്ടുള്ള അമീറിനു തട്ടുകടയിലായിരുന്നു ജോലി. 4 വർഷമായി കടമറ്റം നമ്പ്യാരുപടിയിൽ ജ്യോതിഷ കേന്ദ്രം നടത്തുകയാണ്.