പ്രവാസികൾക്കു ആരോഗ്യപ്രശ്നങ്ങൾ മനസിലാക്കാനും ചികിൽസ തേടാനും അവസരമൊരുക്കി മലയാള മനോരമയുടെ ഹെൽത്ത് കെയർ എക്സിബിഷൻ. ഷാർജ എക്സ്പോ സെന്ററിലാണ് എക്സിബിഷൻ പുരോഗമിക്കുന്നത്. നാട്ടിൽ ലഭിക്കുന്ന വിവിധ ചികിൽസാ പാക്കേജുകൾ പരിചയപ്പെടാനും ഡിസ്കൌണ്ടുകൾ നേടാനും അവസരമുണ്ട്.
ആരോഗ്യപ്രശ്നങ്ങൾ അലട്ടുന്ന പ്രവാസികൾക്ക് പരിഹാരമാർഗമായാണ് മലയാള മനോരമയുടെ നേതൃത്വത്തിൽ ഹെൽത്ത് കെയർ എക്സിബിഷൻ പുരോഗമിക്കുന്നത്. ആയുർവേദം, അലോപ്പതി, ഹോമിയോപ്പതി, സിദ്ധ അടക്കമുള്ള വിവിധ മേഖലകളിലെ ആശുപത്രികളുടെ പ്രത്യേക സേവനം ഇവിടെ ലഭ്യമാണ്. എക്സ്പോയിലെത്തുന്നവർക്കു പതിനഞ്ചു ശതമാനം വരെ ചികിൽസാ നിരക്കിൽ ഇളവ് ലഭിക്കും.
മലയാള മനോരമയുടെ ഹോസ്പിറ്റൽ അപ്പോയിന്റ്മെന്റ് ബുക്കിങ് ആപ്പ് ആയ ക്വിക്ഡോക് ആണ് എക്സ്പോ സംഘടിപ്പിക്കുന്നത്. കുട്ടികൾക്കും യുവജനങ്ങൾക്കുമായി പ്രത്യേക ക്ലാസുകളും സംഘടിപ്പിക്കുന്നുണ്ട്. അനുയോജ്യരായ പങ്കാളികളെ കണ്ടത്താൻ അവസരമൊരുക്കുന്ന എം ഫോർ മാരിയുടെ സേവനവും എക്സിബിഷൻറെ ഭാഗമായി ഒരുക്കിയിട്ടുണ്ട്. സന്ദർശകരിൽ നിന്നും തെരഞ്ഞെടുക്കുന്ന 20 ഭാഗ്യശാലികൾക്ക് അക്ബർ ട്രാവൽസ് എയർടിക്കറ്റ് ബുക്കിംഗിൽ 2000 മുതൽ 5000 രൂപ വരെ പ്രത്യേക ഡിസ്കൗണ്ടും നൽകും.