മഞ്ഞുമ്മല് ബോയ്സ് തിയേറ്ററില് നിറഞ്ഞോടവേ ചിത്രത്തിന്റെ ട്രോള് പങ്കുവച്ചിരിക്കുകയാണ് നടന് അജു വര്ഗീസ്. മഞ്ഞുമ്മലില് സൗബിന് ഷാഹിര് അവതരിപ്പിച്ച കുട്ടന് എന്ന കഥാപാത്രത്തെയും കുഞ്ഞിരാമായണത്തില് അജു വര്ഗീസ് അവതരിപ്പിച്ച കുട്ടനേയും ചേര്ത്തുള്ള ട്രോളാണ് അജു പങ്കുച്ചിരിക്കുന്നത്. സൗബിന്റെ ചിത്രത്തിനൊപ്പം ''നാം ആഗ്രഹിക്കുന്ന കുട്ടട്ടനെന്നും'' അജുവിന്റെ ചിത്രത്തിനൊപ്പം ''നമുക്ക് ലഭിക്കുന്ന കുട്ടേട്ടന്'' എന്നുമാണ് എഴുതിയിരിക്കുന്നത്. ''മുകളിലുള്ള കുട്ടേട്ടനെ താഴെയുള്ള കുട്ടേട്ടന് വേണം'' എന്നും ട്രോളിനൊപ്പം അജു കുറിച്ചിട്ടുണ്ട്.
രസകരമായ കമന്റുകളാണ് താരത്തിന്റെ ട്രോളിന് ലഭിച്ചുകൊണ്ടിരിക്കുന്നത്. ട്രോളന്മാരുടെ പണി കളയുമോ എന്നാണ് ഒരു കമന്റ്. കുഞ്ഞിരാമായണത്തിലെ ഹിറ്റ് ഡയലോഗായ കുട്ടേട്ടാ ഒരു ഫോട്ടോ തരുമോ എന്നുള്ള കമന്റുകളും ഉണ്ട്. ലാലൂനെ ഏറ്റെടുത്തത് വലിയ സാഹസമല്ലേ എന്ന് ചോദിക്കുന്നവരും ഉണ്ട്. കുഞ്ഞിരാമായണത്തില് ധ്യാന് ശ്രീനിവാസന് ചെയ്ത കഥാപാത്രമാണ് ലാലു.
അതേസമയം ഫെബ്രുവരി 22ന് തിയേറ്ററുകളിലെത്തിയ മഞ്ഞുമ്മല് ബോയ്സിന് മികച്ച അഭിപ്രായമാണ് എങ്ങും. സൗബിനൊപ്പം ശ്രീനാഥ് ഭാസി, ബാലു വര്ഗീസ്, ജീന് പോള് ലാല്, ഗണപതി, ചന്തു സലിംകുമാര്, ഖാലിദ് റഹ്മാന് എന്നിവരാണ് ചിത്രത്തില് പ്രധാനവേഷത്തിലെത്തിയത്. ജാന് എ മന്നിന് ശേഷം ചിദംബരം സംവിധാനം ചെയ്ത ചിത്രമാണ് മഞ്ഞുമ്മല് ബോയ്സ്.
Aju Varghese has shared the troll of Manjummel Boys