തനിക്കെതിരെ കേസെടുത്തിട്ടില്ലെന്ന് എൽഡിഎഫ് കൺവീനർ ഇ.പി.ജയരാജന്‍. എഫ്.ഐ.ആര്‍ എന്നത് ക്രിമിനല്‍ പ്രതികള്‍ എഴുതിക്കൊടുത്ത പരാതി. വധശ്രമക്കേസ് എടുത്തിട്ടില്ല, അന്വേഷിക്കാനാണ് പൊലീസിനെ ഏല്‍പ്പിച്ചത്. യൂത്ത് കോണ്‍ഗ്രസ് പ്രതികളുടെ പരാതിയാണ് എഫ്ഐആര്‍ ആയതെന്നും അദ്ദേഹം പറഞ്ഞു. വിഡിയോ കാണാം.
അതേസമയം, മുഖ്യമന്ത്രിയ്ക്കെതിരായ വിമാന പ്രതിഷേധ ഗൂഡാലോചനയേക്കുറിച്ചുള്ള അന്വേഷണത്തിന്റെ പരിധിയില്‍ കെ.പി.സി.സി പ്രസിഡന്റിനെയും പ്രതിപക്ഷ നേതാവിനെയും ഉള്‍പ്പെടുത്താന്‍ ഒരുങ്ങി പൊലീസ്. വാട്സപ്പ് ഗ്രൂപ്പില്‍ സന്ദേശം അയച്ച മറ്റ് യൂത്ത് കോണ്‍ഗ്രസ് നേതാക്കളെയും ചോദ്യം ചെയ്യും. എന്നാല്‍ ഇ.പി.ജയരാജനെ ഉടന്‍ ചോദ്യം ചെയ്തേക്കില്ല. മുഖ്യമന്ത്രി അന്വേഷണത്തില്‍ ഇടപെടുന്നൂവെന്നും ഇടത് സംഘടനാ നേതാവായിരുന്നയാളേക്കൊണ്ട് കേസ് അന്വേഷിപ്പിക്കുന്നത് അട്ടിമറിക്കാനെന്നും വി.ഡി.സതീശന്‍ കുറ്റപ്പെടുത്തി.