ഇഎസ്എ ഭീതിയിൽ അമ്പൂരി; ഭൂപടം മാറ്റിയിട്ടും ആശങ്ക ഒഴിയാതെ മലയോര ജനത

പരിസ്ഥിതി ലോല മേഖലയുടെ ഭീതി ഒഴിയാതെ മലയോര മേഖല. വിസ്‌തൃതി കുറച്ച് സംസ്ഥാന സർക്കാർ ഭൂപടം ഇറക്കിയിട്ടും ചില ജനവാസ മേഖലകൾ ഇപ്പോഴും ഇഎസ്എ പരിധിയിലാണ്.  അമ്പൂരി വാഴിച്ചൽ ഗ്രാമങ്ങളിലായി ഏകദേശം 850 കുടുംബങ്ങൾ ഇഎസ്എ  പരിധിയിൽ ഉൾപ്പെട്ടിട്ടുണ്ട്. 

വീടുകളും കൃഷിയിടങ്ങളും എല്ലാം പരിസ്ഥിതി ലോല മേഖലയിലാണ്. ഇവിടെ താമസിക്കുന്നവരിൽ ഭൂരിഭാഗം പേരും പട്ടിക വർഗ വിഭാഗത്തിൽ ഉൾപ്പെടുന്നവരാണ്. ഈ പ്രദേശത്തെ  98 ശതമാനം ജനവാസ പ്രദേശങ്ങളെയും ഒഴിവാക്കിയാണ് സംസ്ഥാന സർക്കാർ ഭൂപടം പ്രസിദ്ധീകരിച്ചതെങ്കിലും അഞ്ചു ചങ്ങല ഭൂമിയിലും വനത്തോട് ചേർന്ന പ്രദേശത്തും താമസിക്കുന്നവരുടെ  പ്രശ്നങ്ങൾ  ബാക്കിയാണ് .

സംസ്ഥാനം ഇഎസ്എയിൽ നിന്ന് 33 വില്ലേജുകളെ ഒഴിവാക്കി വിസ്‌തൃതി കുറച്ചു. ഏഴു ജില്ലകലെ  1403 ചതുരശ്ര കിലോമീറ്ററാണ്  ഇഎസ്എക്ക് പുറത്തായത്. എന്നാൽ ഇത് കേന്ദ്രം അംഗീകരിക്കുമോ എന്ന ആശങ്ക ബാക്കിയാണ്