കൂടുതൽ വേദികൾക്കും, കലാവിഷ്ക്കാരങ്ങൾക്കും ഇടമൊരുക്കി കൊച്ചി ബിനാലെ വരുന്നു. ഫോർ ദി ടൈം ബീയിങ് എന്നതാണ് ഇത്തവണത്തെ പ്രമേയം. നിലവിലുള്ള 9 വേദികൾക്കും, 7 കൊലാറ്ററൽ വേദികൾക്കും പുറമ 12 വേദികൾ കൂടി അധികമായുണ്ട്.
നിഖിൽ ചോപ്രയാണ് ബിനാലെ ആറാം പതിപ്പിന്റെ ക്യൂറേറ്റർ. ഓരോ വേദിയും നഗര ചരിത്രത്തേയും സംസ്കാരത്തേയും ഓർമിപ്പിക്കുന്നതാണ്. വേദികൾ അവസാന വട്ട ഒരുക്കത്തിലാണ്. ലോകമെമ്പാടുമുള്ള കലാകാരൻമാരുടെ കൂട്ടായ്മകളുടെ സൃഷ്ടികളാണ് പ്രധാന വേദികളിൽ എത്തുന്നത്.