വിജയത്തിലേക്കുള്ള രഹസ്യവഴികള്‍ പങ്ക് വച്ച് സിവില്‍സര്‍വീസ് റാങ്ക് ജേതാക്കള്‍ . മലയാള മനോരമ കൊച്ചിയിലൊരുക്കിയ സക്സസ് ടോക്കിലാണ് ഗഹന നവ്യാ ജേക്കബും പി.ആര്‍ മീരയും അച്യൂത് അശോകും സിവില്‍സര്‍വീസ് നേട്ടത്തിന്റെ ചുരുളഴിച്ചത് .
വിജയത്തിലേക്കുള്ള യാത്രയില്‍ ഗഹന ഒരിഷ്ടവും മാറ്റിവച്ചില്ല . പാട്ടും കവിതയും സിനിമയുമെല്ലാം ഒപ്പംകൊണ്ടുപോയി. കളിക്കും കാര്യത്തിനുമിടയിലെ ബാലന്‍സ് പക്ഷേ തെറ്റിച്ചില്ല . രണ്ടാംശ്രമത്തില്‍ ആറാം റാങ്കോടെ ഈ പാലാക്കാരിക്ക് സിവില്‍സര്‍വീസ്.
നീതി ആയോഗിലെ ജോലിയാണ് മീരയില്‍ സിവില്‍ സര്‍വീസ് സ്വപ്നമുണര്‍ത്തിയത് . അറിവ് അനിവാര്യമായ ജോലിക്കൊപ്പം പരന്നവായനകൂടി ചേര്‍ന്നതോടെ അപ്രാപ്യമെന്ന് കരുതിയത് മീര അനായാസം കീഴടക്കി .
ധൈര്യവും ഉറച്ച ലക്ഷ്യവുമാണ് അച്യുത് അശോകിന് സിവില്‍ സര്‍വീസ് യാത്രയില്‍ തുണയായത് . ബാംഗ്ലൂറിലെ എന്‍ജിനീയറിങ് ജോലി ഉപേക്ഷിച്ചാണ് പരീക്ഷയ്ക്ക് ഒരുങ്ങിയത് . മൂന്നുവട്ടം ശ്രമിക്കുമെന്ന് മനസിലുറപ്പിച്ചു . മൂന്നാം അങ്കത്തില്‍ മോഹം കൈപ്പിടിയില്‍ .
മൂവരൂടേയും യാത്രകള്‍ ആവേശത്തോടെയാണ് സിവില്‍സര്‍വീനൊരുങ്ങുന്ന ഇളമുറക്കാര്‍ കേട്ടിരുന്നത് . ഒപ്പം ഒരുപിടി സംശയങ്ങളും . എല്ലാ സംശയങ്ങളും തീര്‍ത്താണ് മൂവരും യാത്രയായതും
